?️
سچ خبریں: تحریک حماس سے وابستہ ایک باخبر ذریعے نے کہا کہ فلسطینی مزاحمت کاروں کے ہاتھوں پکڑے جانے والے صیہونیوں میں 30 صہیونی جرنیل اور افسر بھی ہیں۔
حماس سے وابستہ ایک باخبر ذریعے نے العربی الجدید کے ساتھ گفتگو کرتے ہوئے تاکید کی ہے کہ صیہونی حکومت کی کابینہ نے اسرائیلی جنگی قیدیوں کے اہل خانہ کو منصوبہ بند طریقے سے اندھیرے میں رکھا ہے تاکہ ان قیدیوں کی رہائی کے لیے اس پر دباؤ نہ ڈالا جا سکے۔
یہ بھی پڑھیں: صیہونی قیدیوں کے بارے میں صیہونی انتہاپسند وزیر کی خوش فہمی
انہوں نے عبرانی ذرائع ابلاغ میں شائع ہونے والی اس خبر کو مسترد کیا کہ حماس نے قاہرہ میں ہونے والے قیدیوں کے تبادلے کے معاہدے کے پہلے مرحلے میں 40 قیدیوں کے بجائے 20 قیدیوں کو رہا کرنے کی تجویز پیش کی ۔
انہوں نے کہا کہ صیہونی میڈیا نے لکھا کہ مزاحمتی تحریک کے پاس زندہ قیدیوں کی تعداد 20 افراد سے زیادہ نہیں ہے جو حقیقت کے برعکس ہے۔
متذکرہ ذریعہ نے نشاندہی کی کہ زندہ اسرائیلی قیدیوں کی صحیح تعداد کا تعین کرنا ناممکن ہے لیکن ان کی تعداد اس سے کہیں زیادہ ہے جس کا اسرائیلی میڈیا نے اعلان کیا ہے۔
انہوں نے انکشاف کیا کہ 7 اکتوبر کو بعض حساس اور اہم ٹھکانوں پر حملے کے دوران صرف حماس تحریک نے شاباک کے تقریباً 30 جرنیلوں اور افسران کو گرفتار کیا جو اس وقت سخت حفاظتی اقدامات کے تحت اور صیہونی حکومت کی پہنچ سے بالکل دور ہیں۔ ۔
حماس کے اس رہنما نے کہا کہ نیتن یاہو اور کچھ اسرائیلی وزراء اپنی افواج کے غصے کو کم کرنے کے لیے غزہ میں پکڑے گئے کچھ فوجیوں کے بارے میں بہت سی معلومات چھپاتے ہیں۔
انہوں نے کہا کہ قیدیوں کے تبادلے کے معاملے میں نیتن یاہو کی تاخیر اور لاپرواہی مذاکرات کار وفد میں صیہونی فوج کے نمائندہ میجر جنرل نیتسن ایلون کی سخت ناراضگی اور غصہ کا باعث بنی۔
انہوں نے کہا کہ اسرائیلی قیدیوں کی رہائی کا واحد راستہ سنجیدہ مذاکرات اور اس کے نتیجے میں جنگ کا مکمل خاتمہ اور غزہ کی پٹی کی تعمیر نو ہے۔
حماس کے اس رہنما نے اپنی گفتگو میں مزید کہا کہ غزہ کی پٹی کے شمال اور مرکز میں صیہونی فوجی کارروائیوں کا دوبارہ آغاز صیہونی حکام کے اس جھوٹ کو ظاہر کرتا ہے کہ پہلے وہاں مزاحمت کی تباہی کا دعویٰ کیا تھا۔
انہوں نے کہا کہ مزاحمتی تحریک مکمل طور پر مضبوط ہے اور اب بھی مربوط فریم ورک کے اندر نظم و ضبط کے ساتھ میدان جنگ میں حالات کو کنٹرول کرتی ہے۔
حماس کے رہنما نے یہ بھی کہا کہ غزہ میں اس تحریک کے سربراہ یحییٰ السنوار، موجودہ جنگ اور صیہونی حکومت کی وسیع اور چوبیس گھنٹے انٹیلی جنس کاروائیوں کے باوجود میدان جنگ سے دور نہیں ہیں۔
انہوں نے کہا کہ یہ جو کہا جاتا ہے کہ وہ ایک الگ تھلگ سرنگ میں چھپے ہوئے ہیں، یہ صرف صہیونی برادری اور اپنے اتحادیوں کے سامنے اعلان کردہ اہداف کے حصول میں اپنی ناکامی کو چھپانے کے لیے نیتن یاہو اور صیہونی سیکیورٹی سروسز کا دعویٰ ہے ،انہوں نے اس بات پر زور دیا کہ السنوار میدان جنگ کے کمانڈر کی حیثیت سے اپنے فرائض انجام دے رہے ہیں۔
انہوں نے اس بات پر بھی زور دیا کہ السنوارنے حال ہی میں ان علاقوں کا دورہ کیا جہاں مزاحمت کاروں اور قابض افواج کے درمیان شدید جھڑپیں ہوئیں اور سرنگوں کے باہر متعدد مجاہدین سے ملاقات کی نیز حال ہی میں انہوں نے غزہ کی پٹی میں مزاحمت کی صورتحال کے بارے میں بیرون ملک حماس کے رہنماؤں کو آگاہ کیا۔
مزید پڑھیں: غزہ میں صیہونی قیدی کہاں ہیں؟
حماس کے اس رہنما نے کہا کہ ان کی تحریک نے جنگ بندی کے مجوزہ منصوبوں کے ساتھ ہمیشہ سنجیدہ بات چیت کی ہے لیکن امریکی حکومت نے مذاکرات کے دوران اپنا اصلی چہرہ دکھایا اور ثابت کر دیا کہ وہ مکمل طور پر قابض حکومت کے ساتھ ہے۔
مشہور خبریں۔
روسی تیل آنے کے بعد ملک میں پٹرول کی قیمت میں 100 روپے تک کمی واقع ہو سکتی ہے
?️ 5 مئی 2023اسلام آباد: (سچ خبریں) پاکستان پٹرولیم کے سیکرٹری انفارمیشن خواجہ آصف محمود کا کہنا ہے
مئی
ٹک ٹاک پر یورپی صارفین کا ڈیٹا بھی چین بھیجنے کا الزام
?️ 3 مئی 2025سچ خبریں: یورپی ملک فن لینڈ نے شارٹ ویڈیو شیئرنگ ایپلی کیشن
مئی
ایف بی آئی کے سابق ڈائریکٹر نے استعفیٰ کیوں دیا ؟
?️ 13 جنوری 2025سچ خبریں: ایف بی آئی کے سابق ڈائریکٹر کرسٹوفر رے نے ایک
جنوری
حکومت نے لوٹ مار کلچر کو ختم کر دیا: عثمان بزدار
?️ 5 جولائی 2021لاہور (سچ خبریں) وزیر اعلیٰ پنجاب سردار عثمان بزدار کا کہنا ہے
جولائی
سابق موساد اہلکاروں سمیت سیکڑوں صیہونی فوجیوں کا جنگ بندی کا مطالبہ
?️ 14 اپریل 2025 سچ خبریں:صیہونی ذرائع ابلاغ نے انکشاف کیا ہے کہ موساد کے
اپریل
’سپریم کورٹ کے چند مخصوص ججز اپنی انا پسِ پشت ڈال کر ملک کو آگے لے کر چلیں‘
?️ 3 جون 2023اسلام آباد:(سچ خبریں) وزیراعظم کے معاون خصوصی عرفان قادر نے کہا ہے
جون
ہنگامہ آرائی کیس: کیپٹن صفدر کی عبوری ضمانت میں توسیع
?️ 23 مارچ 2021پشاور(سچ خبریں) پاکستان مسلم لیگ (ن) کے رہنما کیپٹن (ر) محمد صفدر
مارچ
یوکرین کو 275 ملین ڈالر کی نئی امریکی فوجی امداد
?️ 29 اکتوبر 2022سچ خبریں:میڈیا ذرائع نے بتایا کہ یوکرین کے لیے مغربی حمایت کے
اکتوبر