حزب اللہ کا مرحوم ایرانی صدر کے بارے میں اظہار خیال

🗓️ 20 مئی 2024

سچ خبریں: حزب اللہ نے ایران کے صدر اور ان کے ساتھیوں کی شہادت کے موقع پر ایک بیان جاری کرتے ہوئے کہا کہ ہم امام زمانہ، سپریم لیڈر، اعلی حکام ، ملت ایران ، تمام مسلمانوں اور دنیا کے آزاد لوگوں کو اس تکلیف دہ نقصان پر تعزیت پیش کرتے ہیں،بیان میں کہا گیا ہے کہ ہم شہید سید ابراہیم رئیسی کو عرصہ دراز سے جانتے ہیں، وہ ہمارے بڑے بھائی، ایک مضبوط حامی ، امت اسلامیہ کے اہم مسائل بالخصوص مسئلہ فلسطین کے کٹر محافظ اور اپنی تمام ذمہ داریوں میں مزاحمتی تحریکوں کے حامی تھے۔

یہ بھی پڑھیں: ایرانی صدر کی شہادت پر متعدد ممالک کے حکام کی جانب سے تعزیت کا سلسلہ جاری

حزب اللہ نے تاکید کی کہ شہید ابراہیم رئیسی ملت ایران کے مخلص اور دیانتدار خدمت گزار اور رہبر ایران کے وفادار دوست نیز تمام مظلوموں کی عظیم امید تھے،اسی طرح ہمارے پیارے بھائی شہید حسین امیر عبداللہیان بھی اپنے تمام عہدوں اور مناصب بشمول وزارت خارجہ کے عہدے پر، مزاحمتی تحریکوں کے ایک فعال، سرشار اور محبت کرنے والے عہدیدار اور تمام سیاسی و سفارتی حلقوں میں ان کے حامی تھے۔

مزید پڑھیں: ایرانی صدر کے انتقال پر ترک صدر کا ردعمل

اس بیان میں کہا گیا ہے کہ ہم اللہ تعالیٰ سے ان عظیم شہداء کے لیے رحمت اور پسماندگان کے لیے صبر کی دعا کرتے ہیں، ہم امید کرتے ہیں کہ ملت ایران ثابت قدمی کے ساتھ امام خمینی اور تمام شہداء کے راستے پر چلے گی۔