جرمنی کو 8.5 بلین ڈالر کے امریکی فوجی ہیلی کاپٹروں کی فروخت

?️ 13 مئی 2023

سچ خبریں:پینٹاگون سے وابستہ ایک تنظیم نے اعلان کیا ہے کہ جرمنی اور یورپ کی سکیورٹی کو بہتر بنانے کے لیے امریکہ تقریباً 8.5 بلین ڈالر کے معاہدے کے تحت برلن کو فوجی ہیلی کاپٹر فروخت کرے گا۔

اناطولیہ خبر رساں ایجنسی کی رپورٹ کے مطابق ایسے حالات میں جہاں یوکرین کے معاملے پر روس اور مغرب کے درمیان کشیدگی جاری ہے، امریکہ کی جانب سے جرمنی کو 60 چنوک 47 فوجی ہیلی کاپٹر اور دیگر متعلقہ ساز و سامان کی فروخت کی تیاری نے مغربی میڈیا میں ہلچل مچا دی ہے۔ امریکی ڈیفنس سکیورٹی کوآپریشن ایجنسی، جو دوسرے ممالک کو امریکی ہتھیاروں اور فوجی امداد کی فروخت کی ذمہ دار ہے، نے جرمنی کو فوجی ہیلی کاپٹروں کی فروخت کے لیے امریکی محکمہ خارجہ کی منظوری کا اعلان کیا۔

رپورٹ کے مطابق امریکی محکمہ دفاع پینٹاگون سے وابستہ اس تنظیم نے اعلان کیا ہے کہ واشنگٹن جرمنی کو تقریباً 8.5 بلین ڈالر مالیت کے چنوک 47 فوجی ہیلی کاپٹر فروخت کرنے جا رہا ہے، یاد رہے کہ گزشتہ سال بھی میڈیا ذرائع نے اعلان کیا کہ جرمن فوج چینوک-47 فوجی ہیلی کاپٹر امریکہ سے خریدنے کا ارادہ رکھتی ہے۔

اطلاعات کے مطابق اس لاجسٹک ہیلی کاپٹر کو بنانے والی کمپنی بوئنگ کے ساتھ جرمن معاہدے کا اعلان پانچ ارب یورو کیا گیا ہے، واضح رہے کہ جرمنی کی طرف سے یو ایس چنوک-47 ہیلی کاپٹر خریدنے کی کوشش اس لیے سامنے آئی ہے کہ یہ ہیلی کاپٹر تیز رفتار فضائی نقل و حمل، تیزی سے فوجیوں کی منتقلی اور پیرا ٹروپر کی نقل و حمل اور لانچ کے لیے استعمال ہوتے ہیں۔

قابل ذکر ہے کہ یو ایس ڈیفنس سکیورٹی کوآپریشن ایجنسی نے حال ہی میں شائع ہونے والے اپنے بیان میں جرمنی کو ہیلی کاپٹروں کی فروخت کے بارے میں وضاحت دی اور اسے واشنگٹن کے مفاد میں قرار دیا۔