تل ابیب میں موساد کا ایک سینئر افسر ہلاک

سچ خبریں:  ہیکنگ گروپ حنظلہ نے مقبوضہ علاقوں میں ایک بڑے قتل کی انجام دہی کا دعویٰ کیا ہے۔

رپورٹ کے مطابق، اسرائیلی فوجی اہلکار جو آج صبح تل ابیب کی اسٹریٹ نمبر 20 پر اپنی ہی گاڑی میں زندہ جلا دیا گیا، وہ صہیونی حکومت کی جاسوسی ایجنسی (موساد) میں ایران سے متعلق کیسز کے سینئر افسر تھے۔

گروپ حنظلہ نے زور دے کر کہا کہ یہ آپریشن مہینوں کی انٹیلی جنس مانیٹرنگ، تعاقب اور مسلسل نگرانی کے بعد انجام دیا گیا ہے۔ کیا صہیونی حکومت کے سیکیورٹی ادارے سچائی بتانے کی جرات کریں گے یا پھر انکار کی پالیسی جاری رکھیں گے؟

اس گروپ نے خبردار کیا کہ مقبوضہ علاقوں میں انتہائی سخت حفاظتی اقدامات کے باوجود کوئی بھی شخص مزاحمت کی پہنچ سے باہر نہیں ہے۔

عبرانی ذرائع نے پہلے بتایا تھا کہ جنوبی تل ابیب میں کار دھماکے کے نتیجے میں ایک صہیونی باشندہ ہلاک ہوا ہے۔ صہیونی حکومت کی پولیس نے دعویٰ کیا تھا کہ اس واقعے کا تعلق مجرمانہ سرگرمیوں سے تھا۔