ترکی کے زلزلے کی طاقت کتنے ایٹم بموں کی طاقت کے برابر تھی؟

?️ 12 فروری 2023

سچ خبریں:ترک ڈیزاسٹر منیجمنٹ اتھارٹی کے محکمہ زلزلہ کے ڈائریکٹر اورحان تاتار نے اعلان کیا کہ ترکی میں گزشتہ پیر کی صبح 7.7 شدت کا زلزلہ 65 سیکنڈ تک جاری رہا  اور دوسرا زلزلہ 45 سیکنڈ تک جاری رہا۔ کل 2 منٹ تک اس خطے کو ہلا کر رکھ دیا یہ ہلچل 500 ایٹم بموں کی طاقت کے برابر تھی۔

انہوں نے مزید کہا کہ اس زلزلے کے بعد، ہم نے زمین کی گہرائی سے آتش فشاں راکھ یا تیل اور گیس کے اخراج کا مشاہدہ نہیں کیا ہے۔

ترکی کی غیر متوقع واقعات کی تنظیم AFAD کے اس عہدیدار نے حالیہ 7.7 شدت کے زلزلے کے بعد 2 ہزار سے زیادہ آفٹر شاکس آنے کا اعلان کیا۔

واضح رہے کہ تازہ ترین اعدادوشمار کے مطابق ترکی میں زلزلے سے 21 ہزار سے زائد اور شام میں 4 ہزار سے زائد افراد ہلاک ہوئے تھے۔