سچ خبریں:ترک افواج نے شام کے القامشلی شہر کے الحمقیہ محلے پر توپوں اور مارٹروں سے بمباری کی۔
شام کی سرکاری خبر رساں ایجنسی سانا کی رپورٹ کے مطابق ترک افواج اور ان کے حامی مسلح گروہوں نے اس ملک کے شہر القامشلی شہر کو اپنے توپ خانے اور مارٹروں سے نشانہ بنایا، یاد رہے کہ ترکی کی اس بمباری سے بہت زیادہ مادی نقصان ہوا اور دسیوں شامی خاندان بے گھر ہوگئے۔
واضح رہے کہ اس سے قبل ترک فوج نے شام کے صوبہ الحسکہ کے شمال مغربی مضافات میں واقع ابوراسین شہر کے آس پاس کے تمام دیہاتوں کو توپ خانے اور مارٹر حملوں سے نشانہ بنایا،اس حملے کے بعد روسی جنگی طیاروں نے شامی شہر “راس العین” کے جنوب میں واقع دو دیہات “المحمودیہ” اور “عنیق الھوی” میں واقع انقرہ کے مسلح گروپوں کے دو ٹھکانوں پر بمباری کی۔
یاد رہے کہ انقرہ نے پہلے اعلان کیا تھا کہ وہ PKK کے عناصر کو بھگانے کے لیے شمالی شام پر حملے کرنے کا ارادہ رکھتا ہے، قابل ذکر ہے کہ ترکی نے 2016 سے اب تک شمالی شام پر تین حملے کیے ہیں اور دعویٰ کیا ہے کہ ان حملوں اس کا مقصد پی کے کے کو ترکی کی سرحدوں سے دور رکھنا ہے جبکہ شامی حکام کا کہنا ہے کہ ترکی دہشتگردوں پر حملوں کے بہانے اس ملک کی عوام کو نشانہ بنا رہا ہے۔
