بھارتی عدالت کا بھی مسلمانوں کے ساتھ سوتیلا سلوک

?️ 16 مارچ 2022

سچ خبریں:بھارتی ریاست کرناٹک کی عدالت نے اس ریاست میں تعلیمی اداروں میں حجاب پر پابندی برقرار رکھنے کا حکم جاری کیا ہے۔
بھارتی ذرائع ابلاغ کی رپورٹ کے مطابق اس ملک کی ریاست کرناٹک کے ہائیکورٹ نے تعلیمی اداروں میں حجاب پہننے پرپابندی برقراررکھنے کا حکم دیا ہے، کرناٹک کے ہائیکورٹ نے ہندوانتہاپسندوں کی مرضی کا فیصلہ دیتے ہوئے تعلیمی اداروں میں حجاب پہننے پرپابندی برقراررکھنے کا حکم دیا ہے۔

بھارتی میڈیا کے مطابق کرناٹک ہائیکورٹ نے حجاب پرپابندی کے خلاف اپیلیں بھی خارج کردیں،کرناٹک ہائیکورٹ کا فیصلے میں کہنا تھا کہ حجاب مذہب کا لازمی حصہ نہیں ہے۔

کرناٹک کی مسلمان طالبات نے تعلیمی اداروں میں حجاب پہننے پرپابندی کے حکومتی فیصلے کےخلاف کرناٹک ہائیکورٹ میں 5 درخواستیں دائرکی تھیں۔

واضح رہے کہ مسلمان طالبات نے حجاب پرپابندی کے خلاف بھارتی سپریم کورٹ سے بھی رجوع کیا تھا تاہم سپریم کورٹ نے ان کی درخواست کی سماعت سے انکارکردیا تھا۔