برطانیہ کا روس کے منجمد اثاثے یوکرین کو دینے کا اعلان

?️ 5 جولائی 2022

سچ خبریں:برطانوی خبر رساں ذرائع نے اطلاع دی ہے کہ اس ملک کی حکومت قانونی تبدیلیاں کرنے اور یوکرین کے تنازعات کے بہانے برطانیہ میں روس کے منجمد اثاثے کیف کی حکومت کے حوالے کرنے کا ارادہ رکھتی ہے۔
برطانوی اخبار گارڈین نے خبر دی ہے کہ برطانوی حکام اس ملک میں مسدود روسی املاک اور اثاثوں کو یوکرین منتقل کرنے کا منصوبہ بنا رہے ہیں اور برطانوی وزیر خارجہ لز ٹرس سوئٹزرلینڈ میں ہونے والی ایک کانفرنس میں اس معاملے کا اعلان کرنے والی ہیں۔

ٹرس نے کہا کہ میں اس مسئلے کی حمایت کرتی ہوں، ہم اسے غور سے دیکھ رہے ہیں، کینیڈینوں نے دراصل اس پر ایک قانون پاس کیا، یہ وہ چیز ہے جس پر ہم ہوم آفس اور ٹریژری کے ساتھ کام کر رہے ہیں لیکن میں اس سے پوری طرح متفق ہوں۔، ہمیں صرف تفصیلات بتانے کی ضرورت ہے۔

برطانوی وزیر خارجہ نے اعتراف کیا کہ اس کے لیے ممکنہ طور پر قانون سازی میں تبدیلی کی ضرورت ہوگی،واجھ رہے کہ اس سے قبل امریکی وزارت خزانہ نے گزشتہ اعلان کیا تھا کہ گزشتہ 100 دنوں میں امریکا اور اس کے اتحادیوں نے اپنی پابندیوں کے تحت روس کے مرکزی بینک کے 300 ارب ڈالر اور افراد کے 30 ارب ڈالر سے زائد کے اثاثے ضبط کر لیے ہیں۔