بائیڈن نے یورپی رہنماؤں سے ٹرمپ کے بارے میں کیا کہا؟

?️ 28 فروری 2024

سچ خبریں: امریکہ کے صدر نے اس ملک کے 2024 کے صدارتی انتخابات میں اپنے اہم حریف کو سخت تنقید کا نشانہ بناتے ہوئے نیٹو کے بارے میں ان کے بیانات کو بالکل عجیب قرار دیا۔

رشیا ٹوڈے کی رپورٹ کے مطابق ٹرمپ نے حال ہی ہے کہا تھا کہ اگر نیٹو کے رکن ممالک اپنے وعدوں پر عمل نہیں کریں گے تو واشنگٹن ان کے خلاف ہونے والے ممکنہ حملوں میں اس اتحاد کا دفاع نہیں کرے گا۔

یہ بھی پڑھیں: بڑا نازی کون ہے، بائیڈن یا ٹرمپ؟

جس کے بعد امریکی صدر جو بائیڈن نے کہا ہے کہ یورپی رہنما ٹرمپ سے موت کی حد تک ڈریں۔

این بی سی چینل پر اچانک نمودار ہو کر بائیڈن نے ٹرمپ پر تنقید کرتے ہوئے کہا کہ امریکہ کے اپنے اتحادیوں کی حفاظت کا پابند نہ ہونے کے بارے میں ان کے تبصرے مکمل طور پر ہمارے مفادات کے خلاف ہیں۔

امریکی صدر نے کہا کہ میں تمام عظیم غیر ملکی رہنماؤں کو برسوں سے جانتا ہوں اور مجھے یہ کہنا ضروری ہے کہ میں انہیں اچھی طرح جانتا ہوں، وہ سخت ڈرے ہوئے ہیں، میں جانتا ہوں کہ ان کے لیے ہمارے پیچھے ہٹنے کا کیا مطلب ہے، جو باتیں ٹرمپ کرتے ہیں وہ خوفناک ہیں۔

قابل ذکر ہے کہ ٹرمپ کا اپنی انتخابی ریلی میں لب و لہجہ اور الفاظ ان کی صدارت کے دوران نیٹو کے بارے میں ان کے موقف سے مطابقت رکھتے ہیں۔

مزید پڑھیں: بائیڈن ٹرمپ سے کیوں بھاگتے ہیں؟

رواں ماہ ساؤتھ کیرولائنا میں اپنے حامیوں سے خطاب کے دوران انھوں نے یورپی رہنماوں میں سے ایک کا حوالہ دیتے ہوئے کہا تھا کہ اگر نیٹو کے رکن ممالک اپنی مالی ذمہ داریاں پوری نہیں کرتے تو روس کو اجازت ہے کہ وہ انھیں جو چاہے نقصان پہنچا سکتا ہے،واشنگٹن ان کا دفاع نہیں کرے گا۔