ایران کی آزادی کے دعوے سے لے کر امریکہ کے مسائل حل کرنے تک بائیڈن کی ناکامی

?️ 6 نومبر 2022

سچ خبریں:امریکہ کے اندرونی مسائل کو حل کرنے میں ناکامی کی وجہ سے شدید دباؤ کا شکار امریکی صدر نے اپنی انتخابی مہم کے ایک جلسے میں دعویٰ کیا کہ وہ ایران کو آزاد کرائیں گے۔

امریکی صدر جوبائیڈن جو ملکی مسائل کو حل کرنے میں ناکامی پر امریکہ میں شدید تنقید کا نشانہ بن رہے ہیں اور جن کی ذہنی معذوری کی وجہ سے امریکی معاملات کو سنبھالنے کی اہلیت پر سوال اٹھائے جا رہے ہیں، نے کہا کہ وہ ایران کو آزاد کرنے کا ارادہ رکھتے ہیں۔

جو بائیڈن نے کیلیفورنیا کے شہر سان ڈیاگو کے قریب میرا کوسٹا کالج میں انتخابی مہم کے دوران تقریر کرتے ہوئے کہا کہ آپ فکر نہ کریں، ہم ایران کو آزاد کرائیں گےوہ بہت جلد خود کو آزاد کر لیں گے۔

یاد رہے کہ بائیڈن کے ان الفاظ پر ایران کے صدر سید ابراہیم رئیسی کا ردعمل دیکھنے کو ملا، انہوں نے اپنی تقریر میں کہا کہ چند گھنٹے پہلے مجھے معلوم ہوا کہ امریکہ کے صدر نے ایسی بات کہی جو شاید ان کے ذہنی خلفشار کی وجہ ہے۔

آپ نے کہا ہے کہ ہمارا مقصد ایران کو آزاد کرنا ہے، یاد رکھیں کہ ایران کو 43 سال پہلے آزاد کیا گیا تھا اور اب اس نے دوبارہ آپ کی قید میں نہ آنے کا تہیہ کر رکھا ہے،ہم کبھی دودھ دینے والی گائے نہیں بنیں گے۔

واضح رہے کہ گزشتہ ہفتوں میں امریکی حکومت اور اس کے مغربی اتحادی ایران میں بدامنی کو ہوا دینے لیے میڈیا پروپیگنڈے نیز پابندیوں اور روز بدلنے والے موقف پر مشتمل مشترکہ جنگ کا سہارا لے رہے ہیں۔