ایران نے کویت میں 5 امریکی اڈوں کو میزائل سے نشانہ بنایا

سچ خبریں: ایک امریکی صحافی نے انکشاف کیا ہے کہ ایران نے کویت کےعلی السالم ایئر بیس پر میزائل حملے کے دوران پانچ عمارتوں کو نشانہ بنایا جن میں امریکی فوجی تعینات تھے۔ انہوں نے بتایا کہ اس حملے میں ایک ہی میزائل نے یہ پانچوں عمارتیں تباہ کر دیں ۔

صحافی کے مطابق، ان میں سے ہر عمارت میں تقریباً 40 امریکی اہلکار موجود تھے، جس کا مطلب ہے کہ آدھی رات کو قریباً 200 امریکی فوجیوں کو اپنی جگہیں خالی کر کے پناہ گاہوں میں جانے پر مجبور ہونا پڑا ۔

امریکہ کی جانب سے اس حملے میں کسی جانی یا مالی نقصان کے حوالے سے جاری کردہ سرکاری بیان پر تبصرہ کرتے ہوئے اس صحافی نے کہا کہ اس دعوے کو ماننا مشکل ہے۔ انہوں نے ڈونالڈ ٹرمپ کے ایران کی فوجی صلاحیتوں سے متعلق بیانات پر بھی تنقید کی اور کہا کہ ٹرمپ کا یہ دعویٰ کہ ایران کی فوج مکمل طور پر تباہ ہو چکی ہے، دستیاب شواہد سے مطابقت نہیں رکھتا ۔

اس صحافی نے مزید کہا کہ امریکی صدر ممکنہ طور پر امریکی اہلکاروں کے جانی نقصان کی حقیقی تعداد کو بھی عوام سے چھپا رہے ہیں ۔

واضح رہے کہ ایرانی میڈیا نے دعویٰ کیا ہے کہ اس حملے میں کویت کے علی السالم ایئر بیس پر امریکی اسلحے کے ذخیرے اور مواصلاتی اثاثوں کو بھی نشانہ بنایا گیا ۔