ایران نے ٹرمپ کی جنگ بندی کی پیشکش مسترد کر دی: نیویارک ٹائمز کا دعویٰ

سچ خبریں: امریکی اخبار نیویارک ٹائمز نے ایک رپورٹ میں دعویٰ کیا ہے کہ ایران نے امریکی صدر ڈونلڈ ٹرمپ کی طرف سے پیش کردہ جنگ بندی کی تجویز کو مسترد کر دیا ہے، یہ تجویز عراق کے وزیراعظم کے ذریعے تہران تک پہنچائی گئی تھی۔

ایران اور امریکہ کے سرکاری حکام نے اب تک نیویارک ٹائمز کے اس دعویٰ پر کوئی ردعمل ظاہر نہیں کیا ہے، تاہم ایرانی وزیر خارجہ عباس عراقچی نے عراقی وزیراعظم علی الزیدی سے ملاقات کے موقع پر گفتگو کرتے ہوئے کہا کہ ہمارا امریکہ کے ساتھ مسئلہ ثالثی کا نہیں ہے اور انہوں نے اس بات پر زور دیا کہ اصل مسئلہ امریکا کا غیرمنطقی، استعماری اور تسلط پسندانہ رویہ ہے، جس کا اسلامی جمہوریہ ایران نے مضبوطی سے مقابلہ کیا ہے۔

عراقچی نے مزید کہا کہ جب تک امریکی یہ نہیں سمجھیں گے کہ ایرانی قوم اور اس کے مفادات کا احترام کرنے کے سوا کوئی راستہ نہیں، تب تک اس سمت میں کوئی پیشرفت ممکن نہیں ہوگی۔ اس معاملے میں پیغام رسانی کی ضرورت نہیں؛ بس انہیں اپنی پالیسیوں کا ازسرنو جائزہ لینا ہوگا۔