ایرانی حملوں  نے امریکی دفاعی نظام کی کمزوریوں ظاہر کیا

ایرانی حملوں  نے امریکی دفاعی نظام کی کمزوریوں ظاہر کیا

ایران کی جانب سے اسرائیل پر کیے گئے شدید میزائل حملوں کے بعد امریکہ کے دفاعی نظام میں تشویشناک کمزوری سامنے آ گئی ہے۔ امریکی حکام نے تسلیم کیا ہے کہ اس جنگ میں امریکی میزائل ڈیفنس سسٹمز نہ صرف ناقص کارکردگی کا مظاہرہ کر سکے بلکہ انٹرسیپٹر میزائلز کی کمی بھی ایک بڑا مسئلہ بن کر ابھری۔

امریکی روزنامہ وال اسٹریٹ جرنل نے پینٹاگون کے ذرائع کے حوالے سے رپورٹ کیا ہے کہ ایران اور اسرائیل کے درمیان حالیہ تنازعے کے دوران امریکی فوجی نظاموں کی صلاحیت پر سوالات اٹھے ہیں۔ رپورٹ میں کہا گیا کہ امریکی افواج کے زیرِ استعمال کچھ دفاعی میزائل مؤثر ثابت نہیں ہوئے اور بہت سے اہداف کو مکمل طور پر ناکام بنانے میں ناکام رہے۔

رپورٹ میں مزید انکشاف کیا گیا ہے کہ تھاڈ (THAAD) میزائل دفاعی سسٹم نے اس جنگ میں تقریباً 150 انٹرسیپٹر میزائل داغے، جو کہ امریکی ذخائر کا تقریباً 25 فیصد حصہ ہے۔ ان میزائلوں کی بھرپائی میں ایک سال سے زائد کا وقت لگ سکتا ہے۔

پینٹاگون کے بعض عہدیداران نے خبردار کیا ہے کہ امریکہ کا موجودہ دفاعی نظام تیزی سے بدلتے عالمی خطرات کے لیے ناکافی ہے، خاص طور پر جب دنیا میں سستے لیکن تباہ کن بیلسٹک میزائلوں کا استعمال عام ہوتا جا رہا ہے۔

رپورٹ کے مطابق امریکی حکام کو SM-3 میزائلز کی کارکردگی پر بھی شک ہے، جنہیں امریکی بحری جہازوں سے داغا جاتا ہے۔ یہ میزائل توقعات کے مطابق اہداف کو تباہ نہیں کر سکے۔

اس صورت حال نے امریکی عسکری منصوبہ بندی میں سنگین خدشات پیدا کر دیے ہیں اور پینٹاگون کو دفاعی نظاموں کی مؤثریت کو بہتر بنانے کے لیے نئے تجربات اور حکمت عملیوں پر مجبور کر دیا ہے۔