آج انسانیت کو درپیش سب سے بڑا خطرہ کیا ہے؟

?️ 17 جولائی 2023

سچ خبریں: امریکی ماہر نے دنیا کے مختلف خطوں میں نیٹو افواج کے جرائم کا ذکر کرتے ہوئے اس بات پر زور دیا کہ یہ عسکری تنظیم انسانیت کی بقا کے لیے سب سے بڑا خطرہ ہے۔

رشیا ٹوڈے کی رپورٹ کے مطابق اقوام متحدہ کی انسانی حقوق کونسل کے سابق ماہر آل فرڈ ڈوزیاس نے گلوبل ٹائمز میں شائع ہونے والے اپنے ایک کالم میں لکھا کہ نیٹو اس وقت انسانیت کے لیے سب سے بڑا خطرہ ہے۔

اس سلسلے میں انہوں نے مزید کہا کہ اگرچہ نیٹو افواج نے 1990 کی دہائی سے مسلسل جنگی جرائم اور انسانیت کے خلاف جرائم کا ارتکاب کیا ہے لیکن آج عالمی برادری کے لیے یہ تسلیم کرنا بہت ضروری ہے کہ نیٹو انسانیت کے امن و سلامتی کے لیے خطرہ ہے۔

یہ بھی پڑھیں: نیٹو کا اسلحہ کہاں گیا؟

ڈوزیاس نے نشاندہی کی کہ اس فوجی تنظیم کے اشتعال انگیز اقدامات اور حرکات انسانی زندگی کی بقا اور تسلسل کے لیے سب سے بڑا خطرہ ہیں۔

انھوں نے کہا کہ نیٹو کو ایک مجرمانہ تنظیم قرار دیا جانا چاہیے، کیونکہ 1997 کے بعد سے یہ ایک جیو پولیٹیکل دیو بن چکی ہے جو پوری دنیا پر غلبہ حاصل کرنا چاہتی ہے۔

اس امریکی ماہر کے مطابق دنیا میں مناسب دائرہ اختیار والی کوئی بھی عدالت موجودہ انسانی قوانین کی بنیاد پر نیٹو کی فوج پر مقدمہ چلا سکتی ہے اس لیے کہ نیٹو افواج کے نمائندوں کی طرف سے بہت سی خلاف ورزیوں اور جرائم کو ہیگ اور جنیوا کنونشنز کے مطابق ریکارڈ اور دستاویز کیا گیا ہے۔

یاد رہے کہ امریکی ڈیموکریٹک سیاست دان جیفری ینگ نے کل اتوار کو اس بات پر زور دیا کہ یوکرین کے عوام کے ساتھ سب سے بہتر یہ ہے کہ نارتھ اٹلانٹک ٹریٹی آرگنائزیشن (نیٹو) تحلیل ہو جائے۔

مزید پڑھیں: مشرقی ایشا میں نیٹو کے ساتھ کیا ہونے والا ہے؟

قابل ذکر ہے کہ ماسکو کے خلاف کیف کے جوابی حملوں کے درمیان، جس کا میڈیا کا شور میدان جنگ میں اس کی کامیابیوں سے کہیں زیادہ ہے، یوکرین کے صدر ولادیمیر زیلینسکی نے لیتھوانیا میں نیٹو کے حالیہ سربراہی اجلاس میں، مغرب سے نیٹو میں شمولیت کی بھیک مانگی لیکن اس کے جواب میں انہیں صرف ایک وعدہ ملا جو کیف کو روس کے خلاف نیٹو کی پراکسی جنگ کی آگ میں زیادہ سے زیادہ ہتھیاروں کی فراہمی پر مبنی تھا!

جیفری ینگ نے ٹویٹر پر اس بارے میں لکھا کہ یوکرین کے لوگوں کے لیے سب سے اچھی چیز نیٹو کی تحلیل اور یورپ کے کونے کونے سے تمام امریکی ہتھیاروں اور افواج کا مستقل انخلاء ہے۔

یوکرین میں روس کی جاری فوجی کارروائیوں کی حمایت میں ہمیشہ کھل کر بات کرنے والے امریکی سیاستدان نے اس ٹویٹر پوسٹ میں وائٹ ہاؤس کی قومی سلامتی کونسل کے ترجمان جان کربی کے حالیہ بیان کو دوبارہ شائع کیا۔

تاہم ایک صارف نے واضح تبصرہ کرتے ہوئے لکھا کہ اگر امریکہ دوسرے ممالک سے اپنی فوج واپس بلا لے گا تو دنیا میں امن ہو جائے گا۔