امیر قطر اور صدر امارات کے درمیان اہم ملاقات

سچ خبریں:قطر کے امیر شیخ تمیم بن حمد آل ثانی اور متحدہ عرب امارات کے صدر شیخ محمد بن زاید آل نہیان کے درمیان ابوظہبی میں ایک اعلیٰ سطحی ملاقات ہوئی۔

وا ضح ریے کہ اس ملاقات میں علاقائی اور بین الاقوامی صورتحال بالخصوص مشرق وسطیٰ کے تازہ ترین پیش رفت پر تفصیلی تبادلہ خیال کیا گیا۔

اس اہم ملاقات میں دونوں رہنماؤں نے موجودہ علاقائی مسائل اور چیلنجز پر غور کیا اور صورتحال کو پرسکون بنانے کے لیے جاری کوششوں پر تبادلہ خیال کیا۔ ملاقات میں باہمی ہم آہنگی کو جاری رکھنے، مذاکراتی زبان اور سفارتی حل کو ترجیح دینے کی اہمیت پر زور دیا گیا۔

دونوں فریقوں نے ان تمام امور کی حمایت پر اتفاق کیا جو علاقائی امن و استحکام کی بنیادوں کو مضبوط بناتے ہیں اور خطے کے عوام کے لیے ترقی کے مواقع پیدا کرتے ہیں۔

اس موقع پر شیخ تمیم بن حمد آل ثانی اور شیخ محمد بن زاید آل نہیان نے دونوں ممالک کے درمیان برادرانہ تعلقات اور انہیں فروغ دینے کے طریقوں پر بھی گفتگو کی، جس کا مقصد دونوں برادر ممالک کے عوام کو فائدہ پہنچانا ہے۔