امریکی حکومت کو 2.8 ٹریلین ڈالر کا خسارہ چیلنج

?️ 23 اکتوبر 2021

سچ خبریں:امریکی محکمہ خزانہ نے اعلان کیا ہے کہ مالی سال 2021 میں امریکی وفاقی بجٹ خسارہ 2.8 ٹریلین ڈالر تک پہنچ جائے گا۔
ہل میگزین کی رپورٹ کے مطابق یہ امریکی تاریخ کا دوسرا سب سے بڑا بجٹ خسارہ ہے، تاہم یہ تعداد گزشتہ سال کے بجٹ خسارے کے ریکارڈ سے 360 بلین ڈالر کم ہے۔

یادرہے کہ گزشتہ سال امریکی بجٹ خسارہ 3.1 ٹریلین ڈالر بتایا گیا تھا،گزشتہ سال ریکارڈ بجٹ خسارے کا اعلان کیا گیا کیونکہ امریکی معیشت کو کورونا وبا کے نتائج اور اخراجات کا سامنا کرنا پڑاجس کی وجہ سے ملک بھر کے کاروبار عارضی طور پر بند کرنے پر مجبور ہو گئے۔

واضح رہے کہ امریکی بجٹ کا نیا خسارہ 2009 کے خسارے سے دوگنا ہے ، جو اپنے عروج کے دوران ریکارڈ 1.4 ٹریلین ڈالر تک پہنچ چکا ہےجبکہ کانگریس کے بجٹ آفس نے جولائی میں پیش گوئی کی تھی کہ رواں مالی سال بجٹ خسارہ 3 کھرب ڈالر تک پہنچ جائے گا۔

ایک نئی امریکی بجٹ رپورٹ میں کہا گیا ہے کہ مالی سال 2021 میں حکومتی آمدنی تقریبا 4 4 کھرب ڈالر تک پہنچ گئی جو کہ گزشتہ مالی سال کے مقابلے میں 18.3 فیصد زیادہ ہےجبکہ پچھلے مالی سال کے لیے حکومتی اخراجات 6.8 ٹریلین ڈالر تک پہنچ گئے جو پچھلے مالی سال کے مقابلے میں 4.1 فیصد اضافہ ہے۔