امریکی اسلحہ سے فلسطینیوں کا قتل عام

?️ 26 مئی 2021

سچ خبریں:فلسطین سے باہر حماس اسلامی مزاحمتی تحریک کے نائب صدر نے کہاکہ امریکی صہیونی حکومت کو فلسطینیوں کو شہیدکرنے کے لیے ہتھیار فراہم کر رہے ہیں۔
فلسطین ٹوڈے کی رپورٹ کے مطابق فلسطین سے باہر حماس کی اسلامی مزاحمتی تحریک کے نائب سربراہ موسی ابو مرزوق کا کہنا ہے کہ امریکہ صہیونی حکومت کو فلسطینیوں کو ہلاک کرنے کے لیے اسلحہ فراہم کر رہا ہے، رپورٹ کے مطابق ، انہوں نے مزید کہاکہ فلسطین میں امریکہ کے کردار کو دیکھتے ہوئے یہ کہنا ضروری ہے کہ واشنگٹن مقبوضہ علاقوں میں جاری بحران میں برابر کا شریک ہے، صہیونی حکومت کے لئے امریکی حمایت کی وجہ سے فلسطینیوں نے اب تک بہت ظلم برداشت کیا ہے۔

واضح رہے کہ اس سے قبل بھی ابو مرزوق نے کہا تھا کہ غزہ کی حالیہ جنگ میں مزاحمت نے اپنی طاقت کا صرف ایک حصہ دکھایا ہے اس کے باجود جب مزاحمتی گروپوں نےصیہونی آباد کاروں پر راکٹ فائر کیے تو وہ فرار ہونے پر مجبور ہوگئے، حماس کے عہدیدار نے مزید کہاکہ ہمیں موصولہ اطلاع کے مطابقجنگ کے ساتویں دن ، اسرائیلی فوج نے حکومت کے سیاسی عہدیداروں سے مطالبہ کیا کہ وہ جنگ کا خاتمہ چاہتے ہیں، تاہم صیہونی حکومت کے سیاسی رہنماؤں نے جنگ کو طول دینے پر ترجیح دی۔

انہوں نے کہاکہ زیادہ تر مزاحمت براہ راست قدس سورڈ کی لڑائی میں داخل نہیں ہوئی تھی بلکہ محض ایک محدود تعداد میں جنگی یونٹوں نے یروشلم کا دفاع کرنے کا مشن شروع کیا تب بھی صیہونیوں کو چھٹی کا دودھ یاد دلا دیا یہاں تک کہ انھوں نے ذلت آمیز شکست کو قبول کرتے ہوئے جنگ بندی کا اعلان کر دیا۔