امریکہ کے ہاتھوں درجنوں آئل ٹینکرز شام سے عراق اسمگل

?️ 10 جنوری 2022

سچ خبریں:شام کے سکیورٹی ذرائع نے بتایا کہ امریکی اتحاد نے اپنی افواج کے استعمال کے لیے شام کے 79 آئل ٹینکروں کو عراق منتقل کیا ہے۔
شام کی سرکاری نیوز ایجنسی سانا کی رپورٹ کے مطابق شامی سکیورٹی ذرائع نے اطلاع دی ہے کہ امریکی اتحاد نے کل (اتوار) کو شمال مشرقی شام میں تیل کے کنوؤں سے تیل لے جانے والے 79 ٹینکر ٹرک عراق منتقل کئے،رپورٹ کے مطابق امریکی فوج کی جانب سے شامی تیل کی اسمگلنگ بہت بڑے پیمانے پر جاری ہے اور ہفتہ وار درجنوں ٹینکر ٹرک شمال مشرقی آئل فیلڈز سے شامی قومی دولت کو لوٹ کر عراق یا شام میں امریکی اتحادی افواج کے اڈوں تک پہنچاتے ہیں۔

واضح رہے کہ 79 آئل ٹینکروں کی اسمگلنگ کے علاوہ60 سے زیادہ ٹینکرز شام سے گزشتہ تین دنوں میں عراق میں داخل ہو چکے ہیں جبکہ ٹینکر ٹرکوں کا قافلہ شامی ڈیموکریٹک فورسز کے عسکریت پسندوں کی طرف سے اسکورٹ کیا گیا تھا، ایک مقامی ذریعے کے مطابق امریکی قابضین نے شامی کرد ملیشیا کے ساتھ مل کر الحسکہ صوبے میں رامیلان آئل فیلڈ میں آئل ریفائنری کی تعمیر شروع کر دی ہے۔

رامیلان اسکوائر کے ایک ذریعے نے اس نیوز ایجنسی کو بتایاکہ امریکی قابض افواج نے 3000 بیرل یومیہ کی گنجائش کے ساتھ تیل صاف کرنے کا ایک کارخانہ بنایا ہے،اس ذریعے کے مطابق اس ریفائنری کی تعمیر کے بعد آنے والے ہفتوں اور مہینوں میں شام کے مشرقی حصے سے امریکی افواج کے ہاتھوں شامی تیل کی چوری اور لوٹ مار میں نمایاں اضافہ دیکھنے کو ملے گا۔