امریکی شہریوں کا جو بائیڈن کے خلاف ٹوئٹری طوفان

?️ 10 جنوری 2022

سچ خبریں:امریکی شہریوں نے بڑھتی ہوئی قیمتوں اور دکانوں کے خالی شیلفوں کے خلاف احتجاج کرنے کے لیے اس ملک کے صدر جوبائیڈن کےخلاف ٹوئٹر پر ایک ہیش ٹیگ شروع کیا۔
اسپوٹنک نیوز ایجنسی کی رپورٹ کے مطابق آجامریکہ میں ہیش ٹیگ #BareShelvesBiden (شیلف خالی ہیں، بائیڈن) ٹوئٹر پر سرفہرست ہے، یہ ہیش ٹیگ گزشتہ چند مہینوں میں دوسری بار امریکی معیشت اور سپلائی چین کے بحران کی مخالفت میں بنایا گیا،رپورٹ کے مطابق یہ ہیش ٹیگ سوشل میڈیا صارفین نے امریکی صدر کو سزا دینے کے لیے بنایا جبکہ بائیڈن نے خالی اسٹور شیلف، بڑھتی ہوئی قیمتوں اور سپلائی چین کے مسائل کو حل کرنے میں حکومت کی پیشرفت کی تعریف کی، جس نے امریکی صارفین کو ہیش ٹیگ کے ذریعہ احتجاج کرنے پر اکسایا گیا۔

واضح رہے کہ امریکہ میں خورد ونوش کی اشیا اور اجناس کی قلت نے قیمتوں میں اضافہ کیا ہے جبکہ افراط زر کو بلند سطح پر دھکیل دیا ہے، بائیڈن نے پچھلے سال کے آخر میں ایک تقریر میں سپلائی چین کے بحران پر ان علامات کی طرف اشارہ کیا کہ رکاوٹیں بڑھ رہی ہیں۔

ریاستہائے متحدہ کے صدر نے خوردہ فروخت کے رجحان کو گزشتہ سال کے مقابلے زیادہ قرار دیا اور امریکہ میں پوسٹل سروسز کی بہتری کی طرف اشارہ کیا،بائیڈن نے اس سال کے شروع میں بڑھنے والی گیس کی قیمتیں کم کرنے کا بھی وعدہ کیا جس پر اب تک عمل درآمد نہیں کیا گیا ہے۔