امریکہ نے یو اے ای سے معافی مانگ لی

?️ 16 اپریل 2022

سچ خبریں:امریکہ نے یمنی حملوں کے جواب میں تاخیر پر متحدہ عرب امارات سے معافی مانگ لی ہے۔
اناطولی نیوز ایجنسی کی رپورٹ کے مطابق، امریکی وزیر خارجہ انتھونی بلنکن نے متحدہ عرب امارات کے خلاف یمنی افواج کے حملوں کے دیر سے جواب دینے پر اس ملک سے معذرت کی، امریکی حکام کی جانب سے جاری ہونے والے ایک رپورٹ کے مطابق اینتھونی بلنکن نے گزشتہ ماہ یو اے ای سے معافی مانگی تھی،تاہم یہ خبر اب جاری کی گئی ہے۔

اس حوالے سے نیوز ویب سائٹ Axius نے اطلاع دی ہے کہ بلنکن نے یہ معافی متحدہ عرب امارات کے ولی عہد محمد بن زید آل نہیان سے گزشتہ ماہ مراکش میں ایک ملاقات کے دوران کی تھی۔

رپورٹ کے مطابق نے بن زاید کو بتایا کہ امارات پر یمنی حملوں کے بارے میں بائیڈن انتظامیہ کا ردعمل بہت دیر سے آیا ہے اور وہ اسے قبول کریں گے، امریکی محکمہ خارجہ کے ایک سینئر عہدہ دار نے نام ظاہر نہ کرنے کی شرط پر بات کرتے ہوئے ان الزامات کی تردید نہیں کی لیکن نجی سفارتی بات چیت پر کوئی تبصرہ نہیں کیا۔

بلنکن نے کہا کہ ہم متحدہ عرب امارات کے ساتھ اپنی شراکت داری کو دل کی گہرائیوں سے قدر کی نگاہ سے دیکھتے ہیں اور مشترکہ خطرات کے پیش نظر اپنے شراکت داروں کے ساتھ کھڑے رہیں گے۔