امریکہ میں آتشیں اسلحے سے خودکشی کی بڑھتی شرح

?️ 9 ستمبر 2022

سچ خبریں:امریکہ میں کی جانے والے ایک نئی تحقیق سے پتہ چلتا ہے کہ اس ملک میں آتشیں اسلحے سے خودکشی کی شرح گزشتہ دہائی کے مقابلے میں 11 فیصد بڑھی ہے اور ہر سال سات ہزار افراد آتشیں اسلحے سے خودکشی کرتے ہیں۔

امریکی گن کنٹرول آرگنائزیشن کی تحقیق کے مطابق گزشتہ ایک دہائی کے دوران اس ملک کے شہروں میں بندوق سے خودکشی کرنے والے افراد کی تعداد میں 11 فیصد اضافہ ہوا ہے اور اب اوسطاً 10 میں سے 4 شہروں میں خودکشی کے واقعات اسی حد تک ہوتے ہیں یعنی ہر سال 7ہزار اور روزانہ تقریباً 20 خودکشیاں ہوتی ہیں۔

اس رپورٹ کے مطابق جن امریکی شہروں میں بندوق برداری کے سخت قوانین ہیں ان میں اسلحہ سے خود کشی کی شرح ان شہروں سے نصف ہے جن میں اسلحہ رکھنے کے قوانین میں نرمی ہے۔

گن کنٹرول آرگنائزیشن کے مطابق، امریکہ میں اسلحہ سے والی سالانہ 24000 اموات روکی جا سکتی ہیں اور صحت عامہ کے اس بڑھتے ہوئے بحران سے نمٹا جانا چاہیے، تحقیق سے یہ بھی پتہ چلتا ہے کہ امریکہ میں روزانہ اوسطاً 65 بندوق سے خودکشی کی موت واقع ہوتی ہے، حالانکہ یہ اموات روکی جا سکتی ہیں کیونکہ یہ ثابت ہو چکا ہے کہ بندوق برداری کو محدود کرنے اور بندوق تک رسائی نہ ہونے پر مبنی پالیسیوں اور اقدامات کے ذریعہ آتشیں اسلحہ کے ذریعے خودکشی کو روکا جا سکتا ہے۔