امریکہ زوال کی طرف بڑھ رہا ہے:ٹرمپ کا کرسمس پیغام

?️ 28 دسمبر 2022

سچ خبریں:امریکہ کے سابق صدر ڈونلڈ ٹرمپ نے کرسمس کے کے موقع پر سوشل میڈیا میں اپنے اکانٹ ’سوشل ٹروتھ‘ پر ایک پیغام شائع کرتے ہوئے موجودہ امریکہ کو ’زوال پذیر‘ قرار دیا۔

امریکہ کے سابق صدر ڈونلڈ ٹرمپ نے کرسمس کے کے موقع پر اپنے سوشل میڈیا اکاؤنٹ پرلکھا کہ کرسمس کے اس انتہائی سرد لیکن خوبصورت دن پر ہمارے ملک کی جنوبی سرحد کی موجودہ صورتحال کا ماضی قریب اور ٹرمپ انتظامیہ سے موازنہ کریں۔

انہوں نے مزید کہا کہ ہمارے پاس اپنے ملک کی تاریخ کی سب سے محفوظ سرحد تھی لیکن اس وقت اس کے برعکس وہاں ایک خوفناک کھیل جاری ہے اور لوگوں کی غیر معمولی تعداد جن میں سے بہت سے مجرمانہ ریکارڈ رکھتے ہیں (قاتل، انسانی اور منشیات کے اسمگلر) ہمارے ملک میں اس رفتار سے داخل ہو رہے ہیں جو ہم نے اس سے پہلے کبھی نہیں دیکھی ، انہوں نے مزید کہا کہ امریکہ اندر سے تباہ ہو رہا ہے۔

واضح رہے کہ امریکی میڈیا نے حال ہی میں بتایا تھا کہ ایریزونا میں 45 کلومیٹر طویل سرحدی دیوار جو 80 ملین ڈالر کے بجٹ سے تعمیر کی گئی تھی، گرائی جائے گی،مہینوں کے جھگڑے کے بعد، ایریزونا کے گورنر بالآخر فینکس کی وفاقی عدالت میں ایک ماحولیاتی گروپ کی طرف سے دائر مقدمہ ہار گئے اور ٹیکس دہندگان کی رقم سے تعمیر کی گئی دو منزلہ دیوار کو گرانے پر رضامندی ظاہر کی۔

یاد رہے کہ سرحدی دیوار کی تعمیر کے باوجود اب بھی جنوبی امریکی ممالک سے تارکین وطن کی بڑی تعداد غیر قانونی طور پر اس ملک میں داخل ہوتی ہے، 2016 میں اپنی صدارتی مہم کے دوران سابق امریکی صدر ڈونلڈ ٹرمپ نے ایک مختصر جملہ پر زور دیا کہ دیوار بنائیں،اپنے ایک انتخابی پروگرام میں انہوں نے زور دیا کہ میکسیکو کو دیوار کی تعمیر کے منصوبے کے لیے ادائیگی کرنی چاہیے۔

لیکن جب وہ برسراقتدار آئے تو انھوں نے دیوار کے فنڈز کے لیے زیادہ ممکنہ ذریعہ تلاش کیا لیکن امریکی کانگریس نے دو سال تک ایسی رقم فراہم کرنے سے انکار کر دیا جس کے نتیجہ میں وہ جنگ شروع ہوئی جو امریکہ میں طویل ترین حکومتی شٹ ڈاؤن کا سبب بنی۔ اس کے بعد ٹرمپ نے امریکہ کی جنوبی سرحد پر قومی ایمرجنسی کا اعلان کر دیا،اس کارروائی نے انہیں اس ملک کی وزارت دفاع سے سرحدی دیوار کی تعمیر کے لیے بجٹ مختص کرنے کی اجازت دی۔