امریکہ دہشت گرد گروہوں کو شام کے خلاف اکساتا ہے:روس

?️ 9 فروری 2022

سچ خبریں:روس کی غیر ملکی انٹیلی جنس سروس نے شام کے قدرتی وسائل کی امریکی لوٹ مار کا حوالہ دیتے ہوئے ایک رپورٹ میں کہا ہے کہ واشنگٹن دہشت گرد گروہوں کو شامی حکومت کے خلاف اکسانے کا منصوبہ بنا رہا ہے۔
روس کی غیر ملکی انٹیلی جنس سروس نے اپنےایک بیان میں اپنے اوپر لگائے جانے والے بے بنیاد الزامات کی تردید کرتے ہوئے کہاہے کہ روس کی غیر ملکی انٹیلی جنس سروس کے بارے میں ایک سے زیادہ مرتبہ اسی طرح کے بے بنیاد الزامات لگائے گئے ہیں۔

انھوں نے کہا ہے کہ امریکی قابض افواج الحسکہ، الرقہ اور دیر الزور آئل فیلڈز سے ماہانہ تقریباً 30 لاکھ بیرل خام تیل نکالتی ہیں، اس کے باوجودواشنگٹن شام کے دمشق اور لاذقیہ میں دہشت گرد گروہوں کو اکسانے اور شامی فوج اور اس کے اتحادیوں کے خلاف کارروائی کرنے کا منصوبہ بنا رہا ہے۔

واضح رہے کہ امریکہ شام میں اپنے مقاصد کے حصول کے لیے مسلح اپوزیشن گروپوں یا شدت پسند گروپوں کے ساتھ اپنے مضبوط تعلقات کا استعمال کر رہا ہےجبکہ سی آئی اے انتہا پسندوں کے غیر فعال خلیوں کو بحال کرنے اور شامی حکومتی افواج اور ان کے اتحادیوں کے خلاف کارروائیاں کرنے کے لیے کام کر رہی ہے۔

روس کی غیر ملکی انٹیلی جنس سروس کے مطابق امریکہ شام میں اپنی فوجی موجودگی برقرار رکھنے اوراس ملک میں امن کو بگاڑنے کی کوشش کر رہا ہے اس کے علاوہ واشنگٹن ایک وسیع پیمانے پر میڈیا مہم شروع کرنے کا بھی ارادہ رکھتا ہے، جس میں عرب میڈیا بھی شامل ہے، جس کا مقصد شامی حکومت کے خلاف انتہاپسندانہ کاروائیوں کو ہوا دینا ہے۔