امریکہ دنیا کا سب سے بڑا قذاق ہے:لبنانی مفتی

?️ 17 جنوری 2021

سچ خبریں:ایک لبنانی مفتی نے واشنگٹن کی جانب سے آستان قدس رضوی پر پابندی عائد کرنےپر شدید تنقید کرتے ہوئے کہاکہ امریکہ دنیا میں قزاقوں کا کردار ادا کرتا ہے۔
العہد نیوز ایجنسی کی رپورٹ کے مطابق لبنان کے صور اور جبل عامل کے مفتی شیخ حسن عبد اللہ نے اتوار کے روز خطے اور دنیا میں امریکہ کی معاندانہ پالیسیوں پر کڑی تنقید کی، رپورٹ کے مطابق ، انہوں نے کہا کہ امریکہ دنیا میں سمندری ڈاکو کا کردار ادا کر رہا ہے، امریکی رہنماؤں کے خیال میں وہ پوری دنیا کے وکیل اور سرپرست ہیں جبکہ یہ امریکی ہی تھے جنہوں نے القدس کو اسرائیلی دشمن کے حوالے کردیا، شیخ حسن عبد اللہ نے آستان قدس رضوی پر پابندی عائد کرنے کے حالیہ امریکی اقدام کا ذکر کرتے ہوئے کہاکہ امریکیوں نے مذہبی اصولوں اور اقدار کو چیلنج کرنے کی کوشش کی اور مسلمانوں کے جذبات سے کھیلنا چاہتے ہیں۔

درایں اثنا آج لبنان کی سپریم شیعہ اسلامی اسمبلی نے بھی ایک بیان جاری کیا جس میں آستان قدس رضوی پر پابندی عائد کرنے کے حالیہ امریکی اقدام کی مذمت کی گئی ، لبنان کی شیعہ سپریم اسلامی اسمبلی کے بیان میں کہا گیا ہےکہ آستان قدس رضوی پر پابندی عائد کرنے پر مبنی امریکیوں کی کارروائی معاندانہ تھی، واشنگٹن کا یہ اقدام مذہبی تقدس کو نشانہ بناناہے، لبنانی اسلامی تنظیم نے بھی اپنے بیان میں زور دیاکہ آستان قدس رضوی پر پابندی عائد کرنے کی امریکی کارروائی مذہبی اور ثقافتی اقدار کی خلاف ورزی ہے جو بین الاقوامی رواج سے متصادم ہےلہذا بین الاقوامی تنظیموں کو امریکی کارروائی کی مذمت کرنی چاہئے۔