امریکہ تکفیری دہشت گردوں کو جدید اسلحہ فراہم کرتا ہے:عراقی پارلیمنٹ ممبر

🗓️ 31 جولائی 2021

سچ خبریں:عراقی پارلیمنٹ کے ایک رکن نے خطے اور عراق میں تکفیری دہشت گردوں کے لیے واشنگٹن کی حمایت کا ذکر کرتے ہوئے کہاکہ یہ امریکی ہی ہیں جوعراق بلکہ پورے خطہ میں تکفیری عناصر کو جدید اسلحہ فراہم کرتے ہیں۔
الفرات نیوزچینل کی رپورٹ کے مطابق عراقی پارلیمنٹ میں الفتح اتحاد کے رہنماؤں میں سے ایک عدی الخدران نےاس ملک میں دہشت گردی کی حمایت میں امریکی کردار کو تباہ کن قرار دیا، رپورٹ کے مطابق عراقی پارلیمنٹ ممبر نے کہا کہ خطے اور عراق میں داعش سمیت دہشت گرد گروہوں کا ظہور خطے میں جغرافیائی تبدیلی لانے اوراس کی اقوام پر حکمرانی کے لیے امریکی بین الاقوامی انٹیلی جنس سرگرمیوں کا نتیجہ ہے۔

انہوں نے کہا کہ امریکی خطے کی اقوام کو جنگ اور خونریزی کی طرف لے جانا چاہتے ہیں اور عراق کےکچھ صوبوں میں داعش کے دہشت گردوں کا پھر سے ابھرنا امریکی منصوبوں کا نتیجہ ہے۔

عراقی پارلیمنٹ ممبر نے کہا کہ واشنگٹن عراق سے اپنی افواج کے انخلا کے لیے عوامی اور سیاسی دباؤ کے پیش نظر اس ملک کےحالات کو خراب کرنے کی کوشش کر رہا ہے، الخدران نے مزید کہاکہ اب سوال یہ ہے کہ موجودہ حالات میں دہشت گرد دور دراز اور پہاڑی علاقوں میں جدید ہتھیاروں اور رسد کی سہولیات کیسے حاصل کرتے ہیں۔

انھوں نے کہا کہ ان علاقوں میں دہشت گردوں کی جدید ہتھیاروں تک رسائی ظاہر کرتی ہے کہ انہیں بیرونی پشت پناہی حاصل ہے اور یہ امریکہ کا کام ہے کہ تاکہ وہ اس طرح یہ ثابت کر سکے کہ اگر ہم یہاں سے چلے جائیں گے تو دہشتگرد دوبارہ سرگرم ہوجائیں گے اور اس بہانے عراق کے قدرتی وسائل کو لوٹتا رہے۔