الشفاء ہسپتال کے اردگرد 400 سے زائد افراد کی شہادت

?️ 2 اپریل 2024

سچ خبریں: حماس کے میڈیا آفس نے ایک بیان میں کہا ہے کہ قابض اسرائیلی فوج نے اب تک الشفاء اسپتال کے اردگرد 400 سے زائد افراد کو شہید کیا ہے۔

غزہ میں حماس کے سرکاری میڈیا آفس نے ایک بیان جاری کیا ہے جس میں کہا گیا ہے کہ الشفاء اسپتال اور اس کے اطراف میں قابض فوج کے حملے کو 13 دن گزر چکے ہیں اور عالمی برادری نے خاموشی اختیار کر رکھی ہے۔

یہ بھی پڑھیں: الشفاء اسپتال میں صہیونی جرائم انسانیت کی توہین

اس بیان میں کہا گیا ہے کہ قابض فوج نے ہسپتال کے اردگرد 1050 گھروں کو نشانہ بنایا ہے، ہم امریکہ، عالمی برادری، بعض یورپی ممالک اور قابض حکومت کو اس نسل کشی کے جرم کا ذمہ دار سمجھتے ہیں۔

حماس کے میڈیا آفس نے مزید کہا کہ صہیونی فوج اب بھی اسپتال میں 107 مریضوں کو غیر انسانی حالات میں یرغمال بنائے ہوئے ہے اور الشفاء اسپتال کے ارد گرد 400 سے زیادہ افراد کو شہید کر چکی ہے۔

دوسری جانب بیت لاہیا کے کمال عدوان اسپتال کے سربراہ احمد الکحلوت نے بھی کہا کہ طبی عملہ انتہائی مشکل حالات میں کام کرتا ہے جب کہ یہ اسپتال بیمار اور شدید زخمیوں کے لیے ہے لیکن یہاں علاج کے لیے ضروری سہولیات فراہم نہیں ہیں۔

مزید پڑھیں: الشفا اسپتال میں قابضین کے ہاتھوں فلسطینیوں کا قتل عام

الکحلوت نے مزید کہا کہ طبی سہولیات اور ضروریات کی کمی کے باوجود، ہم اپنا فرض ادا کررہے ہیں لیکن غزہ میں صحت کا نظام تباہ ہونے والا ہے۔