الحشد الشعبی کی عراقیوں سے شہید امام خامنہ ای کے جنازے میں شرکت کی اپیل 

سچ خبریں:حشد الشعبی نے ایک خصوصی ویڈیو پیغام جاری کرتے ہوئے، شہید انقلاب کے بلند مرتبے کو خراج تحسین پیش کیا ہے اور امت مسلمہ اور عراقی قوم سے اپیل کی ہے کہ وہ جنازے کے جلوس میں شریک ہو کر اس عظیم مجاہد کے مقاصد سے اپنے عہد کی تجدید کریں۔

اس پرجوش پیغام کے ایک حصے میں، جو مقاومتی گروہوں کی اس شہید رہبر سے عقیدت کا آئینہ دار ہے، کہا گیا ہے کہ اس تابوت میں دوراں کے سردار اور عزت و شرف کے کماندار آرام فرما ہیں؛ ایک ایسا رہبر جو پہاڑوں کی طرح عظیم اور دنیا جیسا بلند مرتبہ تھا۔ اگرچہ اس تابوت کا وزن شاید کم ہو، لیکن آدم علیہ السلام کی تمام اولاد کے کندھے اس کے عظمت و بزرگی کا بوجھ اٹھانے سے قاصر ہیں۔

اس دعوت نے عراقی عوام میں جنازے میں شرکت کے لیے تیاری کے پیغامات کی لہر دوڑا دی ہے۔

اس کے علاوہ عراقی حکام نے بدھ، 8 جولائی کو محافظہ المثنیٰ، بغداد، نجف، کربلا، بابل، ذی قار، بصرہ، میسان اور واسط میں تعطیل کا اعلان کیا ہے تاکہ ان محافظوں کے باشندے آیت اللہ العظمیٰ شہید امام سید علی خامنہ ای کے جنازے میں بھرپور شرکت کر سکیں۔