الانبار میں ایک  داعشی سرغنہ گرفتار، دیالہ میں سات اڈے منہدم

?️ 23 نومبر 2021

سچ خبریں: عراق کے فوجی انفارمیشن سینٹر نے ایک بیان جاری کر تے ہوئے کہا کہ ملک کی فضائیہ نے  صوبہ دیالہ میں حمرین کی پہاڑیوں میں داعش کے  کئی اڈوں پرشدید حملے کئے  ۔

واضح رہے کہ عراقی فوج کے بیان میں کہا گیا ہے کہ ان حملوں میں داعش کے سات اڈوں اور جنگی ساز و سامان کو  تباہ کر دیا گیا ہےعراقی فوج  کے انفارمیشن سینٹر نے اسی کے ساتھ بتایا ہے کہ عراقی فوج نے صوبہ دیالہ کے آبی صدا علاقے کے ذیابہ دیہات سے دو دہشتگردوں کو گرفتار کرلیا ہے۔

اس کے ساتھ ہی عراق کی رضاکار فورس نے اعلان کیا ہے کہ اس نے صوبہ الانبار میں داعش کے ایک سرغنہ کو گرفتار کرلیا ہے۔

عراق نے دو ہزار سترہ میں داعش دہشتگرد گروہ کے خلاف جنگ میں کامیابی کا اعلان کر دیا تھا تاہم اس دہشتگرد گروہ کی باقیات اب بھی عراق کے دیالہ، کرکوک، نینوا صلاح الدین الانبار اور بغداد صوبوں کے بعض علاقوں میں موجود ہیں اور اکا دکا کارروائیاں انجام دیتی رہتی ہیں۔