اسرائیل کے ڈرونز کو رمضان میں فلسطینیوں کے خلاف استعمال کے لیے تیار کیا گیا

 اسرائیل کے ڈرونز کو رمضان میں فلسطینیوں کے خلاف استعمال کے لیے تیار کیا گیا

 اسرائیلی ذرائع ابلاغ نے اطلاع دی ہے کہ اس کے ڈرونز کو آنسو گیس کے استعمال کے لیے تیار کیا جا رہا ہے تاکہ ماہ رمضان کے دوران مقبوضہ مغربی کنارے اور مشرقی یروشلم میں فلسطینیوں کے خلاف استعمال کیا جا سکے۔

رپورٹس کے مطابق، اسرائیل کی سکیورٹی فورس جسے "نیشنل گارڈ” کہا جاتا ہے، رمضان کی تیاریوں کے سلسلے میں ڈرونز پر آنسو گیس کے کیپسول نصب کرنے کا منصوبہ بنا رہی ہے۔ یہ گروہ اسرائیل کے وزیر برائے داخلی سلامتی ایتامار بن گوئر کے زیر قیادت تشکیل دیا گیا ہے اور نیم فوجی نوعیت کا ہے۔

اس حوالے سے پولیس کی ٹینڈرز کمیٹی نے تین ڈرونز کے لیے آنسو گیس کے کیپسول پر مشتمل سسٹمز کی خریداری کی منظوری دی ہے، جس کی لاگت تقریباً ۴۹ ہزار ڈالر ہے۔ یہ سسٹمز "میٹرکس” ڈرونز پر نصب کیے جائیں گے تاکہ مظاہروں کو منتشر کرنے کے لیے استعمال کیا جا سکے۔اس رپورٹ میں مزید کہا گیا ہے کہ اسرائیلی پولیس کے پاس اس وقت ۱۹ ایسے فعال نظام موجود ہیں۔

گزشتہ ہفتے اسرائیلی میڈیا نے یہ بھی اطلاع دی تھی کہ اسرائیلی فوج رمضان کے دوران مغربی کنارے میں اضافی فوجی تعینات کرے گی اور کمانڈو یونٹس سمیت ۲۲ سے زائد بٹالین معمول کے سکیورٹی آپریشنز میں حصہ لے رہی ہیں۔یہ اقدامات فلسطینی علاقوں میں فوجی دباؤ اور سکیورٹی آپریشنز کو بڑھانے کے سلسلے میں کیے جا رہے ہیں۔