اسرائیل کے ساتھ ہمارے تعلقات فلسطین کی قیمت پر نہیں:ترکی

?️ 11 فروری 2022

سچ خبریں:ترک وزیر خارجہ نے کہاکہ خطے کے کچھ ممالک کی طرح اسرائیل کے ساتھ ہمارے تعلقات کو معمول پر لانا فلسطین کو بیچنے کی قیمت پر نہیں ہے، مسئلہ فلسطین پر ہمارا موقف واضح ہے اور ہمارا شروع سے ہی موقف واضح رہا ہے۔
ترک وزیر خارجہ میولوت چاووش اولو نے اپنے فن لینڈ کے ہم منصب کے ساتھ ایک نیوز کانفرنس میں بتایا کہ روسی صدر ولادیمیر پوٹن کے دورہ ترکی کے حوالے سے ابھی تک کوئی تاریخ طے نہیں کی گئی ہے، ان دنوں تاریخ کا تعین ہو جائے گا۔

انہوں نے صیہونی حکومت کے سربراہ کے دورہ ترکی کے حوالے سے کہاکہ اس دورے کے بارے میں دونوں فریقین کے خصوصی نمائندے ملاقات کریں گے جبکہ ہم کئی سالوں بعد ایک سفر کی بات کر رہے ہیں،ترک وزیر خارجہ نے یہ بھی کہا کہ صیہونی سفیر کے بارے میں ابھی کوئی بات نہیں ہوئی ،ابھی سفارتخانے عملے کی سطح پر کام کر رہے ہیں۔

انھوں نے کہا کہ اسرائیل کے ساتھ ہمارے تعلقات کو معمول پر لانا، خطے کے دیگر ممالک کی طرح، فلسطین کو بیچنے کی قیمت پر نہیں ہے، مسئلہ فلسطین پر ہمارا موقف واضح ہے جوا شروع سے ہی واضح رہا ہے،چاووش اولو نے ویانا میں ترکی اور آرمینیا کے خصوصی ایلچی کی دوسری ملاقات کے بارے میں بھی کہاکہ آرمینیا نے درخواست کی کہ یہ ملاقات ویانا میں ہو۔

انہوں نے تجویز پیش کی کہ دوسری ملاقات کا مقام ویانا یا جنیوا ہوجبکہ 2009 میں جنیوا میں ہماری ملاقات ناکام ہوگئی تھی، اس لیے ہم نے اس شہر میں اپنا دوسرا دورہ نہ کرنے اور ویانا میں ملاقات کرنے کا فیصلہ کیا۔