اسرائیل کے ساتھ سمجھوتے کے معاہدے ناکام ہوتے جارہے ہیں:سعودی میڈیا

?️ 22 مارچ 2023

سچ خبریں:صیہونی حکام کے ساتھ بات چیت کا سابقہ رکھنے والے سعودی ذرائع ابلاغ میں سے ایک نے صیہونی حکومت کے ساتھ ہونے والے معاہدوں کے ناکام ہونے کے امکان کی خبر دی ہے۔

صیہونی حکومت کی متعدد شخصیات سے گفتگو کا سابقہ رکھنے والے سعودی آن لائن اخبار ایلاف نے کا کہنا ہے کہ صیہونیوں کے ساتھ ہونے والے معاہدے ناکامی اور انحطاط کی طرف جا رہے ہیں۔

اس میڈیا نے قدس میں موجود اپنے رپورٹر کے حوالے سے خبر دی ہے کہ متحدہ عرب امارات کی حکومت صیہونی حکومت میں اپنی سفارتی نمائندگی کی سطح کو کم کرنے پر غور کر رہی ہے۔

رپورٹ کے مطابق اماراتی حکومت نے بھی تل ابیب میں اپنے سفیر احمد الخاجہ کو حکم دیا ہے کہ وہ اس وقت کنیسیٹ کے رکن یا وزیر سمیت کسی بھی اسرائیلی عہدیدار سے رابطہ نہ کریں نیز کسی ایسی تقریب میں شرکت کرنے سے پرہیز کریں جس میں موجودہ صیہونی کابینہ اور اور سیاست دان حتی ان کے حامی موجود ہوں۔

اس میڈیا نے ایک اعلیٰ سطحی اسرائیلی ذریعے کے حوالے سے یہ بھی انکشاف کیا ہے کہ متحدہ عرب امارات اس وقت بھی اسرائیلی وزیر اعظم بنیامین نیتن یاہو کے دورہ کی مخالفت کر رہا ہے جو صیہونی حکومت کے عوامی تحفظ کے وزیر ایتمار بن گوئر کے مسجد اقصیٰ پر حملے کے بعد منسوخ کر دیا گیا تھا۔

اس سعودی میڈیا کے مطابق متحدہ عرب امارات کا یہ موقف اسرائیل کے وزیر خزانہ کے حالیہ الفاظ کے بعد مزید شدید ہو گیا ہے۔