اسرائیل کے تحفظ کے لیے بین الاقوامی عدالت انصاف کو ٹرمپ نے دی  دھمکی 

?️ 12 دسمبر 2025

 اسرائیل کے تحفظ کے لیے بین الاقوامی عدالت انصاف کو ٹرمپ نے دی  دھمکی 

 امریکی صدر ڈونلڈ ٹرمپ نے اعلان کیا ہے کہ اگر اسرائیلی حکام کے خلاف کیسز بین الاقوامی عدالت انصاف (ICJ) میں زیرِ غور آئے، تو وہ اس ادارے کو سنگین دھمکیوں کا سامنا کرنے پر مجبور کریں گے۔ ان کا موقف ہے کہ اسرائیل کے تحفظ کے لیے وہ ہر ممکن قدم اٹھائیں گے اور عدالت کے اقدامات کی اجازت نہیں دیں گے۔

رپورٹس کے مطابق ٹرمپ نے بین الاقوامی فوجداری عدالت (ICC) کو بھی دھمکی دی ہے اور مطالبہ کیا ہے کہ اسرائیل اور امریکہ کے حکام پر کسی بھی قانونی کارروائی سے گریز کیا جائے۔ انہوں نے مطالبہ کیا کہ موجودہ مقدمات منسوخ کیے جائیں اور مستقبل میں ہونے والی تحقیقات سے بھی تحفظ فراہم کیا جائے۔

ٹرمپ نے عدالت کو تحریری طور پر ہدایت دی ہے کہ وہ اپنے منشور میں ترامیم کرے تاکہ اسرائیلی اور امریکی افسران، جو جنگی محاذ پر سرگرم ہیں، کو عدالت میں پیش ہونے سے بچایا جا سکے۔ وائٹ ہاؤس کے ذرائع کے مطابق اگر عدالت ان شرائط پر عمل نہیں کرتی تو سخت پابندیاں عائد کی جائیں گی، جو عدالت اور ججوں کی کارکردگی کو شدید متاثر کریں گی۔

قبل ازیں، موساد نے بھی بین الاقوامی عدالت کے ججوں کو علانیہ دھمکی دی تھی تاکہ اسرائیلی رہنما، بشمول بنیامین نتانیہو، کے خلاف فیصلے جاری نہ کیے جائیں۔ بین الاقوامی فوجداری عدالت ICC، بین الاقوامی عدالت انصاف ICJ کے ماتحت کام کرتی ہے۔

ٹرمپ کے اس اقدام کو عالمی سطح پر قانونی اور سیاسی تنازع کے طور پر دیکھا جا رہا ہے، کیونکہ یہ اقدام بین الاقوامی قانون کے اصولوں اور عدالت کی خودمختاری کے خلاف تصور کیا جا سکتا ہے۔