ٹرمپ کا ہیٹی اور افریقی ممالک کی توہین‌ کرنے کا اعتراف

?️ 12 دسمبر 2025

ٹرمپ کا ہیٹی اور افریقی ممالک کی توہین‌ کرنے کا اعتراف

 امریکی صدر ڈونالد ٹرمپ نے اعتراف کیا ہے کہ انہوں نے 2018 میں قانون سازوں کے ساتھ ایک اجلاس میں ہائیتی اور متعدد افریقی ممالک کے لیے توہین آمیز اصطلاح استعمال کی تھی وہی بیان جو ان کی پہلی صدارت کے دوران عالمی سطح پر شدید غم و غصے کا باعث بنا تھا۔

ایسوشی ایٹڈ پریس کے مطابق یہ تبصرہ اُس وقت ایک بند کمرے کے اجلاس میں کیا گیا تھا اور خبر کے افشا ہونے پر ٹرمپ نے اسے مسترد کر دیا تھا، لیکن منگل کے روز پنسلوانیا میں اپنے حامیوں کے سامنے انہوں نے بلا تردد اس واقعے کو دہرایا اور حتیٰ کہ سومالی کو گندا، آلودہ، نفرت انگیز اور جرائم سے بھرپور بھی کہا۔

سخنرانی کے دوران جب ایک شخص نے 2018 کے مشہور نعرے کو دہرایا تو ٹرمپ نے کہا کہ وہ ممالک بی قدر اور کچرا ہیں اور سوال کیا کہ امریکہ ان کی بجائے ناروے یا سویڈن جیسے ممالک سے مہاجرین کیوں نہیں لیتا۔ انہوں نے دعویٰ کیا کہ امریکہ ہمیشہ سومالی جیسے ممالک سے لوگ لاتا ہے، جہاں حالات تباہ کن اور جرائم پیشہ ہیں۔

2018 میں ان بیانات کو وسیع پیمانے پر نسل پرستانہ قرار دیا گیا تھا، کیونکہ یہ زیادہ تر سیاہ فام ممالک کی تحقیر اور سفید فام ممالک کی ترجیح کی غمازی کرتے تھے۔ کئی ریپبلکن قانون سازوں نے بھی اس رویے پر تنقید کی تھی، جبکہ افریقی ممالک نے شدید ردعمل ظاہر کیا تھا۔ بوٹسوانا نے امریکی سفیر کو طلب کیا اور صدرِ سینیگال نے کہا تھا کہ افریقہ اور سیاہ فام نسل احترام کی مستحق ہے۔

ٹرمپ نے اس واقعے کے بعد بھی سیاسی آداب اور سابق صدور کی روایات سے ہٹ کر بیانات دینے کا سلسلہ جاری رکھا ہے۔ حالیہ تہوار شکرگزاری کے موقع پر انہوں نے سوشل میڈیا پیغامات میں ریاست مینیسوٹا کے گورنر ٹیم والز کے لیے ذہنی معذوری سے متعلق توہین آمیز اصطلاح استعمال کی۔ بعد ازاں جب ایک صحافی نے پوچھا کہ کیا وہ اس بیان پر قائم ہیں، تو ٹرمپ نے بغیر کسی ہچکچاہٹ کہا ہاں، میرا خیال ہے اس میں واقعی مسئلہ ہے۔