اسرائیل ایرانی میزائیلز کو روکنے میں ناکام، ہنگامی صورتحال کا اعلان

سچ خبریں: صہیونی حکومتکے میڈیا نے ایران کے جوابی میزائل حملوں کا حوالہ دیتے ہوئے اعتراف کیا ہے کہ ہم غیر معمولی صورت حال کا شکار ہیں اور مقبوضہ فلسطین بھر میں خطرے کے الارم بج رہے ہیں۔

میڈیا ذرائع کے مطابق، ایران کے تیسرے میزائل دستے نے مقبوضہ فلسطین کے شمالی علاقوں اور بیت المقدس کی طرف رخ کیا ہے۔ عبرانی میڈیا کے حوالے سے اے 24 نیوز ٹی وی نے رپورٹ دیا کہ مقبوضہ فلسطین کے جنوبی علاقوں میں مسلسل دھماکوں کی آوازیں سنائی دے رہی ہیں، جبکہ بیت المقدس میں خطرے کے الارم بج اٹھے ہیں۔

صہیونی حکومتکے چینل 12 نے بتایا کہ ایران کے میزائل حملوں کے آغاز سے اب تک اسرائیل کی طرف 200 میزائل داغے جا چکے ہیں۔

صیہونی میڈیا نے رپورٹ کیا ہے کہ ایران کے جوابی میزائل حملوں کے بعد مقبوضہ فلسطین کے کئی علاقوں میں بجلی منقطع ہو گئی ہے۔ میڈیا کے مطابق، ایران کی جانب سے 150 سے 200 میزائل مقبوضہ فلسطین کے مختلف علاقوں میں داغے گئے ہیں۔ انہوں نے یہ بھی تسلیم کیا کہ ایرانی میزائلز کے بعض مقبوضہ علاقوں میں نشانے پر لگنے کی اطلاعات ہیں۔

حملوں کے نشانوں میں اضافے کے بعد صیہونی فوج کے ترجمان نے تمام میڈیا اداروں کو ہدایت کی ہے کہ وہ میزائل گرنے کی جگہوں کی براہ راست نشریات سے گریز کریں۔

تسنیم کے ویسٹ بینک نامہ نگار لمی ابوحلو نے اطلاع دی ہے کہ صہیونی حکومتکا دفاعی نظام ایرانی میزائلز کے دوسرے حملے کو روکنے میں ناکام رہا ہے۔ انہوں نے بتایا کہ ایران کے میزائل حملے کے ساتھ ہی بیت المقدس کے تمام داخلی راستے مکمل طور پر بند کر دیے گئے ہیں۔