صیہونی وزیراعظم متحدہ عرب امارات پہنچ گئے؛ بینیٹ کا طیارہ ریاض کی فضا سےاڑکر ابوظہبی کیوں گیا؟

?️ 13 دسمبر 2021

سچ خبریں:صیہونیوں کی جانب سے ایک غیر معمولی اور انتہائی فکر انگیز اقدام میں یہ اعلان کیا گیا کہ اسرائیلی وزیر اعظم نفتالی بینیٹ کو لے جانے والے طیارے نے ریاض کے اوپر سے سعودی فضائی حدود عبور کر لی ہیں۔
اسرائیل کے سرکاری ٹیلی ویژن پر کان کے نامہ نگار ایٹی بلومینتھل نے ایک غیر مصدقہ رپورٹ کا حوالہ دیتے ہوئے اپنے ذاتی ٹویٹر پیج پر لکھا ہے کہ متحدہ عرب امارات جانے والا صیہونی وزیراعظم کا طیارہ سعودی فضائی حدود سے گزرا ہےجس سے اس سفر کے لیے اسرائیل کی سعودیوں کے ساتھ ہم آہنگی کا اشارہ ملتا ہے۔

قابل ذکر ہے کہ تل ابیب اور متحدہ عرب امارات کے درمیان کافی تعداد میں پروازیں پہلے ہی سعودی فضائی حدود کے اندر سے چلائی جا چکی ہیں نیزنفتالی بینیٹ نے متحدہ عرب امارات جانے سے قبل ٹویٹ کیا کہ ان کا یو اے ای کا دورہ تاریخی ہوگا جو کسی اسرائیلی وزیر اعظم کا یو اے ای حکومت کا پہلا دورہ ہے،انہوں نے اپنے سامعین کو بتایا کہ اس سفر کے دوران وہ متحدہ عرب امارات کے ولی عہد اور اس ملک کے اعلیٰ حکام سے ملاقاتیں کریں گے۔

واضح رہے کہ اسرائیل کے سابق وزیر اعظم بنجمن نیتن یاہو نے متعدد بار متحدہ عرب امارات جانے کی کوشش کی تاہم ہر بار کورونا وائرس پھیلنے کی وجہ سے یہ پروگرام منسوخ کر دیا گیا،درایں اثنا صیہونی حکومت کے وزیر اعظم نے بھی اس سفر کے حوالے سے ایک بیان میں کہا ہے کہ ایران کا مسئلہ ان کے متحدہ عرب امارات کے دورے کے دوران بینیٹ کے ایجنڈے میں شامل ہے۔