وزیراعظم کے مشہور ڈائیلاگ ’آپ نے گھبرانا نہیں ‘پرگانا بھی سامنے آگیا

لاہور(سچ خبریں)وزیراعظم عمران خان وقتاً فوقتاً قوم کو مشکل حالت کا سامنا کرنے اور ان سے نہ گھبرانے کا مشورہ دیتے ہیں ۔مہنگائی سے تنگ عوام کو وزیراعظم کا یہ مشورہ’آپ نے گھبرانا نہیں ہے‘تنقید کا نشانہ بنا رہتا ہے ،اپوزیشن رہنما بھی وزیراعظم کے اس قول کو نقل کر کے انہیں خوب تنقید کا نشانہ بناتے ہیں ،اب اس مشورے پر گانا بھی سامنے آگیا ۔

صابن مہنگا ہو جائے تو آپ نے لگانا نہیں 

آپ نے گھبرانا نہیں ،آپ نے گھبرانا نہیں 

آٹا مہنگا ہو جائے تو آپ نے کھانا نہیں 

آپ نے گھبرانا نہیں ،آپ نے گھبرانا نہیں

تحریک انصاف کے ایک سپورٹر نے کہا کہ میں پی ٹی آئی سپورٹر ہوں لیکن مجھے یہ گانا پسند آیا 

اسد اللہ نے کہا کہ میں تحریک انصاف کا بہت بڑا سپورٹر ہوں لیکن مجھے بھی یہ گانا پسند آیا

اعجاز عباسی نے کہا کہ ہم خان صاحب کے ساتھ ہیں اور ہر قربانی دینے کے لیے تیار ہیں

چند سوشل میڈ یا صارفین نے گانے کی ان الفاظ میں تعریف کی ۔