اداکارہ علیزے گبول نے خاموشی سے دوسری شادی رچا لی؟

علیزے گبول

?️

خبریں ہیں کہ ماڈل و اداکارہ علیزے گبول نے خاموشی سے متحدہ عرب امارات (یو اے ای) کی ریاست دبئی میں دوسری شادی کرلی۔علیزے گبول نے پہلی شادی 2016 کے بعد کی تھی اور انہیں پہلے شوہر سے ایک بیٹی مرال بھی ہے۔اداکارہ و ماڈل 2017 میں اس وقت میڈیا کی خبروں کی زینت بنی تھیں جب برطانوی میڈیا نے خبریں شائع کیں کہ علیزے گبول کے پاکستان نژاد برطانوی باکسر عامر خان سے تعلقات ہیں۔برطانوی میڈیا میں خبریں آئیں تھیں کہ عامر خان اور ان کی اہلیہ فریال مخدوم کے درمیان کشیدہ تعلقات کی ایک وجہ دبئی میں مقیم پاکستانی اداکارہ و ماڈل علیزے گبول بھی ہیں۔

اس وقت یہ خبریں تک آئی تھیں کہ علیزے گبول اور عامر خان جلد شادی کے بندھن میں بندھ جائیں گے تاہم ایسی خبروں پر دونوں نے کھل کر کوئی بات نہیں کی تھی اور بعد ازاں دونوں کے درمیان اختلافات کی خبریں سامنے آئیں۔

علیزے گبول کو 2018 میں پہلے شوہر اسامہ کے ساتھ بیٹی کی سالگرہ پر ایک ساتھ دیکھا گیا تھا، دونوں کی 2017 میں ہی طلاق ہوچکی تھی مگر بیٹی کی وجہ سے ان کے درمیان اچھے تعلقات تھے۔

گزشتہ دو سال سے علیزے گبول کو فیشن شوز سمیت ڈراموں و فلموں میں بھی دیکھا گیا جب کہ گزشتہ سال اکتوبر میں وہ کورونا کا شکار بھی ہوئی تھیں تاہم دو ہفتوں کے اندر ہی وہ صحت یاب ہوگئی تھیں۔

اب اچانک انہوں نے 19 فروری کو انسٹاگرام پر ایک تصویر شیئر کرتے ہوئے مداحوں کو بتایا کہ ان کی دوسری زندگی کا آغاز ہوگیا۔

علیزے گبول نے 19 فروری کو ایک مرد کی جانب سے انگوٹھی پہنائے جانے کی تصویر شیئر کرتے ہوئے بتایا کہ ان کی نئی زندگی کی شروعات ہوگئیں اور ساتھ ہی انہوں نے اس پر خدا کے شکر بھی ادا کیا۔

علیزے گبول کی سابق شوہر اور بیٹی کے ہمراہ 2018 میں کھینچی گئی تصویر: فائل فوٹو: فیس بک
علیزے گبول کی سابق شوہر اور بیٹی کے ہمراہ 2018 میں کھینچی گئی تصویر: فائل فوٹو: فیس بک

اداکارہ نے اپنی پوسٹ میں یہ واضح نہیں کیا کہ انہوں نے منگنی کی ہے یا شادی؟ اور نہ ہی انہوں نے بتایا کہ ان کی نئی زندگی کا آغاز کب سے ہوا؟

اداکارہ نے قریبی دوستوں کی جانب سے مبارک باد کی پوسٹس کو بھی اسٹوری میں شیئر کیا—اسکرین شاٹ
اداکارہ نے قریبی دوستوں کی جانب سے مبارک باد کی پوسٹس کو بھی اسٹوری میں شیئر کیا—اسکرین شاٹ

اداکارہ نے انسٹاگرام پر اپنی ایک اور تصویر شیئر کی، جس میں انہیں کاغذات پر دستخط کرتے ہوئے دیکھا جا سکتا ہے۔

مذکورہ تصویر میں اداکارہ نے سفید رنگ کا لباس پہن رکھا تھا اور اداکارہ کی جانب سے مذکورہ تصویر شیئر کیے جانے کے بعد شوبز شخصیات نے بھی انہیں مبارک باد پیش کی۔

 

علاوہ ازیں علیزے گبول نے اپنی انسٹاگرام اسٹوریز میں ساتھی ماڈلز، شوبز شخصیات اور قریبی دوستوں کے انسٹاگرام پوسٹس بھی شیئر کیں، جن میں انہیں شادی کی مبارک باد دی گئی تھی۔

علیزے گبول کو قریبی افراد کی جانب سے شادی کی مبارک باد دیے جانے کے بعد مداحوں میں چہ مگوئیاں ہیں کہ انہوں نے دوسری شادی کرلی۔

 

مشہور خبریں۔

شہید یحییٰ السنوار کے ساتھ حماس کے ایک اور کمانڈر شہید

?️ 19 اکتوبر 2024سچ خبریں: حماس نے اپنے ایک اور کمانڈر کی شہادت کا اعلان

کراچی میں تاجروں سے وزیر خزانہ کی اہم میٹینگ ہوئی

?️ 20 اگست 2021اسلام آباد (سچ خبریں)  تفصیلات کے مطابق کراچی میں تاجروں اور سرمایہ

ترکی کے کان کنوں کی موت کا عالمی ریکارڈ

?️ 18 اکتوبر 2022سچ خبریں:عالمی اعدادوشمار بتاتے ہیں کہ ترکی کان کنی کے حادثات میں

صحافت کو دبانے کی سعودی حکومت کے ہتکھنڈے

?️ 10 مئی 2022سچ خبریں:انسانی حقوق کی ایک یورپی تنظیم کا کہنا ہے کہ سعودی

سعودی عرب کی صیہونیوں کے ساتھ سمجھوتے کی کوشش، اس بار کھیل کے دروازے سے

?️ 13 فروری 2022سچ خبریں:سعودی ٹینس کھلاڑی کے صیہونی کھلاڑی کے مقابلہ میں آنے کے

ڈاکٹر رضا باقر کی مدت ملازمت ختم

?️ 4 مئی 2022(سچ خبریں)وزیر خزانہ مفتاح اسمٰعیل نے ڈاکٹر رضا باقر کی مدت ملازمت

نوازشریف نے توشہ خانہ گاڑیوں کا ریفرنس واپس کرنے کی درخواست دائر کردی

?️ 30 اکتوبر 2024 اسلام آباد: (سچ خبریں) سابق وزیراعظم نواز شریف نے احتساب عدالت

ملک بھر میں  کورونا سے مزید 95 افراد کا انتقال ہو گیا

?️ 17 اگست 2021اسلام آباد (سچ خبریں) ملک بھر میں عالمی وباء کورونا وائرس کا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے