?️
اسلام آباد: (سچ خبریں) سینیئر اداکارہ و ٹی وی میزبان نادیہ خان نے کہا ہے کہ ہانیہ عامر وہ واحد پاکستانی اداکارہ ہیں جو بھارت میں کام کیے بغیر نہ صرف انڈیا بلکہ بنگلہ دیش میں بھی ’سپر اسٹار‘ بن گئیں۔
نادیہ خان نے حال ہی میں ’کیا ڈراما ہے‘ نامی شو میں ہانیہ عامر کی ’کبھی میں، کبھی تم‘ میں اداکاری کی تعریفیں کرتے ہوئے انہیں حقیقی سپر اسٹار بھی قرار دیا۔
انہوں نے کہا کہ ہانیہ عامر خطے کی واحد اداکارہ ہیں جو اسکرین پر گلیمر کردار کیے بغیر ہی پاکستان، بنگلہ دیش اور بھارت میں ’سپر اسٹار‘ بن گئیں۔
ان کا کہنا تھا کہ سپر اسٹار بننے میں ہانیہ عامر کی سالوں کی محنت شامل ہے، وہ نیچرل اداکاری کرتی ہیں، ان کے جذبات، ان کے انداز کہیں سے بھی مصنوعی نہیں دکھتے۔
نادیہ خان کے مطابق ایسا نہیں ہے کہ ہانیہ عامر کو راتوں و رات شہرت ملی اور وہ سپر اسٹار بنیں بلکہ انہوں نے کئی سال تک کام کیا اور اپنی محنت سے ثابت کیا کہ وہ بہترین اداکارہ ہیں۔
انہوں نے کہا کہ اب جاکر ہانیہ عامر ایسی جگہ پر پہنچی ہیں، جہاں اسے ہونا چاہیے تھا بلکہ وہ اب جہاں پر ہیں، اس سے بڑھ کر انہیں شہرت ملنی چاہیے تھی۔
ساتھ ہی انہوں نے ہانیہ عامر کی تمام سوشل میڈیا ویڈیوز کو بھی بہترین قرار دیتے ہوئے کہا کہ انہیں ان کی تمام ویڈیوز پسند ہیں۔
ٹی وی میزبان نے ہانیہ عامر کی خوبصورتی کی بھی تعریفیں کیں اور کہا کہ وہ جیسی معصوم اور پیاری ہیں، ایسی ہی وہ خوبصورت اور پرکشش دکھائی دیتی ہیں اور وہ حقیقی طور پر معصوم ہیں۔
نادیہ خان نے ہانیہ عامر کی ’کبھی میں، کبھی تم‘ میں اداکاری کی بھی تعریفیں کیں اور کہا کہ ڈرامے میں ان کے رونے کے انداز نے ہی لوگوں کے دل جیت لیے، دیکھنے والوں کو لگا کہ وہ حقیقی معنوں میں روئی ہیں۔
خیال رہے کہ ’کبھی میں، کبھی تم‘ میں ہانیہ عامر اور فہد مصطفیٰ سمیت عماد عرفانی، نعیمہ بٹ، جاوید شیخ، بشریٰ انصاری اور مایا علی سمیت دیگر اداکار کردار ادا کر رہے ہیں اور ڈرامے کو پاکستان سمیت بھارت میں بھی کافی پسند کیا جا رہا ہے۔


مشہور خبریں۔
سندھ حکومت کراچی سے سکھر تک ’بلٹ ٹرین‘ چلانا چاہتی ہے، شرجیل میمن
?️ 9 دسمبر 2024کراچی: (سچ خبریں) سندھ کے وزیر اطلاعات، ٹرانسپورٹ و ماس ٹرانزٹ شرجیل
دسمبر
امریکی جنرل کو ایران کے سلسلہ میں تشویش
?️ 23 مئی 2021سچ خبریں:امریکی جنرل اورسینٹکام کے کمانڈر نے ایرانی ساختہ ڈرونوں کی شناخت
مئی
عراقی پارلیمانی انتخابات؛ عمومی ساخت اور اس کی اہمیت کی وجوہات
?️ 5 نومبر 2025سچ خبریں: عراقی سیاسی نظام پارلیمانی اور وفاقی ہے، یعنی عوام براہ
نومبر
امریکی سینیٹر کا نیتن یاہو کی جنگی پالیسیوں پر سخت انتباہ
?️ 16 اپریل 2026سچ خبریں:امریکی سینیٹر برنی سینڈرز نے صہیونی وزیراعظم بنیامین نیتن یاہو کی
اپریل
ایران کے خلاف جنگ کے اثرات پر عالمی میڈیا کی رپورٹس
?️ 25 جولائی 2026سچ خبریں:ایران کے خلاف جنگ کے بعد عالمی میڈیا نے عسکری، سفارتی،
جولائی
کابینہ کا فیصلہ، اب سینیٹ الیکشن اوپن بیلٹ سے ہوگا
?️ 6 فروری 2021اسلام آباد {سچ خبریں} وفاقی کابینہ نےاب سینیٹ الیکشن اوپن بیلٹ سے
فروری
فلاڈیلفیا کا محور اسرائیل کے ہاتھ میں ہونا چاہیے: نیتن یاہو
?️ 31 دسمبر 2023سچ خبریں:گزشتہ رات عبرانی اخبار Yisrael Hum نے نیتن یاہو کے حوالے
دسمبر
برطانوی اخبار کا چین کے فوج مرکز کے بارے میں عجیب دعوی
?️ 1 فروری 2025سچ خبریں:ایک برطانوی اخبار نے دعویٰ کیا ہے کہ چین پینٹاگون سے
فروری