کیا امریکہ پاکستانی انتخابات کے بارے میں قرارداد پاس کر سکتا ہے؟

?️ 29 جون 2024

سچ خبریں: پاکستان انسٹیٹیوٹ آف لیجسلیٹیو ڈیولپمنٹ اینڈ ٹرانسپیرنسی (پلڈاٹ) کے سربراہ احمد بلال محبوب نے کہا ہے کہ امریکی قرارداد میں جو بات کی گئی ہے وہی نکات پاکستان کی سیاسی جماعتیں بھی اٹھا رہی ہیں، لہٰذا الیکشن میں دھاندلی کی تحقیقات ضروری ہیں۔

جیو نیوز کے پروگرام کیپٹل ٹاک میں گفتگو کرتے ہوئے احمد بلال محبوب نے کہا کہ امریکی قرارداد کے مقابلے میں 90 فیصد اراکین پارلیمنٹ کی حمایت حاصل کرنا ضروری ہے، ورنہ یہ قرارداد کمزور ثابت ہوگی۔

یہ بھی پڑھیں: کیا پاکستان میں امریکہ کی کوئی مداخلت نہیں؟

پروگرام میں شامل مسلم لیگ ن کے سینیٹر خلیل طاہر سندھو نے کہا کہ پاکستان ایک خود مختار ملک ہے اور امریکی ایوان نمائندگان پاکستان میں انتخابات کے حوالے سے قرارداد پاس نہیں کر سکتا۔

مزید پڑھیں: پی ٹی آئی نے عمران خان کے امریکا سے متعلق حالیہ بیان پر چلنے والی رپورٹس مسترد کر دیں

کیپٹل ٹاک میں تحریک انصاف کے رہنما شعیب شاہین نے کہا کہ 8 فروری کے الیکشن میں دھاندلی کے خلاف تحقیقات صرف جوڈیشل کمیشن کے ذریعے کروانا ہوں گی۔