?️
کراچی: (سچ خبریں) ملک کا سب سے بڑا موسیقی کا مقابلہ ’پاکستان آئیڈل‘ ایک دہائی کے طویل وقفے کے بعد شاندار انداز میں واپس آگیا ہے۔
گزشتہ روز شو کی پہلی قسط پیش کی گئی، جس میں ملک بھر کے مختلف حصوں سے آئے گلوکاروں نے اپنی آواز کا جادو ججز کے سامنے پیش کیا، ایک کے بعد ایک ابھرتے ہوئے سپر اسٹار نے مظاہرہ کیا اور کئی نے اپنی طاقتور پرفارمنس کے ذریعے ججز اور ناظرین دونوں کو مسحور کر دیا۔
موسیقی کے اس مقابلے میں بہترین آواز کے انتخاب کا عمل ججز کے لیے آسان نہیں تھا، انہوں نے نہ صرف آواز بلکہ ہر شرکا کے انداز، پیشکش اور جذبے کا بھی امتحان لیا۔
کچھ باصلاحیت شرکا نے اگلے مرحلے کے لیے اپنی جگہ محفوظ کر لی، جب کہ دیگر کو مایوسی کے ساتھ گھر واپس جانا پڑا۔
اب پاکستان آئیڈل کا سفر مزید دلچسپ اور ڈرامائی مراحل میں داخل ہو چکا ہے، جہاں ہر گلوکار کو محنت اور عزم کے ذریعے اپنی صلاحیت ثابت کرنی ہوگی، اگلے مرحلے میں کون پہنچے گا اور کون باہر ہوگا، یہ فیصلہ ججز کی سخت جانچ اور ناظرین کے جوش و خروش پر منحصر ہوگا۔
پروڈکشن کمپنی ایم ایچ گلوبل کے پیش کردہ اس شاندار موسیقی شو کی میزبانی شفاعت علی کر رہے ہیں، جب کہ ججز میں موسیقی کی نامور شخصیات فواد خان، گلوکارہ زیب بنگش، گلوکار و قوال راحت فتح علی خان اور مشہور بینڈ اسٹرنگز کے موسیقار بلال مقصود شامل ہیں۔
پاکستان آئیڈل کی قسط ہر ہفتے ویک اینڈ یعنی ہفتہ اور اتوار کو بیک وقت کئی چینلز پر نشر ہوگی، جن میں جیو ٹی وی، گرین انٹرٹینمنٹ، پی ٹی وی ہوم، ایکسپریس انٹرٹینمنٹ، اے پلس انٹرٹینمنٹ، آن ٹی وی اور اورلائف شامل ہیں۔
واضح رہے کہ ’پاکستان آئیڈل‘ کا پہلا سیزن دسمبر 2013 میں جیو انٹرٹینمنٹ پر شروع ہوا، جو اپریل 2014 میں لاہور کے گلوکار ضماد بیگ کی فتح کے ساتھ اختتام پذیر ہوا۔


مشہور خبریں۔
لکی مروت سے 2 فوجی اغوا، بنوں میں فائرنگ کے تبادلے میں پولیس اہلکار شہید ہوگیا
?️ 4 جنوری 2025 لکی مروت: (سچ خبریں) خیبر پختونخوا کے ضلع لکی مروت کے
جنوری
سینیٹ قائمہ کمیٹی کی انتخابات اسمبلی کی تحلیل کے بعد 90 روز کی آئینی مدت میں کروانے کی سفارش
?️ 26 ستمبر 2023اسلام آباد:(سچ خبریں) سینیٹ کی قائمہ کمیٹی برائے پارلیمانی امور نے الیکشن
ستمبر
ہالینڈ کی صہیونی حکومت کے خلاف کارروائی
?️ 23 مئی 2026سچ خبریں:ہالینڈ نے صیہونی بستیوں سے سامان کی درآمد، خرید و فروخت
مئی
جنوبی افریقہ میں نایاب معدنیات پر امریکہ کی نظر
?️ 20 اپریل 2026سچ خبریں:امریکہ نے چین کے اثر و رسوخ کو محدود کرنے کے
اپریل
لبنانی حزب اللہ کا فلسطینی مجاہدین کے پیغام
?️ 15 مئی 2021سچ خبریں:لبنانی حزب اللہ کے نائب سیکرٹری جنرل نے اس بات پر
مئی
یوکرین کے بحران میں امارات اور سعودی عرب کے درمیان الگ ڈیل کی کہانی
?️ 8 مارچ 2022سچ خبریں: روس اور یوکرین کے درمیان کشیدگی پر متحدہ عرب
مارچ
قیدیوں کے تبادلے کے معاہدے کی ناکامی کی وجوہات
?️ 4 مارچ 2025سچ خبریں: صیہونی ٹی وی چینل 12 نیوز سائٹ کے تجزیہ کار
مارچ
پنجاب میں سیلابی صورتحال، پاک فوج کا ریلیف آپریشن جاری
?️ 17 جولائی 2025راولپنڈی (سچ خبریں) پنجاب کے مختلف اضلاع میں حالیہ مون سون بارشوں
جولائی