مشہور بھارتی اداکار کو اسٹار بننے کے لیے کیا کیا دیکھنا پڑا؟

🗓️ 8 اگست 2023

سچ خبریں: بالی وڈ کے نامور اداکار وویک اوبرائے نے انکشاف کیا ہے کہ انڈسٹری میں اسٹار بننے کیلئے بڑے نفسیاتی مسائل کا سامنا کرنا پڑتا ہے۔

ایک تازہ انٹرویو میں اداکار نے شوبز انڈسٹری میں اپنی ان رکاوٹوں کا ذکر کیا ہے جس سے گزر کر وہ شہرت کی بلندیوں تک پہنچے ہیں۔

اداکار نے بتایا کہ ابتداء میں انہیں کامیابی کیلئے بہت رکاوٹوں کا سامنا کرنا پڑا اور کام نہ ملنے کی وجہ سے وہ شدید فرسٹریشن کا شکار رہے ہیں۔

یہ بھی پڑھیں: زندگی کے سب سے بڑے امتحان کا سامنا ہے:مشہور بھارتی اداکارہ

وویک اوبرائے کے مطابق انہیں اپنے پوٹینشل کے مطابق انڈسٹری میں کام کرنے کا موقع نہیں ملا جس سے انہیں بہت زیادہ بے بسی کی کیفیت کا سامنا کرنا پڑا۔

انہوں نے بتایا کہ مکمل طور پر بے بسی کی کیفیت سے بری شے کوئی نہیں ہے، آپ کو پتہ ہے کہ آپ کے بغیر کام چل رہا ہے لیکن آپ کے اختیار میں کچھ بھی نہیں ہوتا۔

مزید پڑھیں: بھارتی اداکار کا اپنے بارے میں اہم اعتراف

واضح رہے کہ اداکار اپنی نئی ویب سیریز ’انڈین پولیس فورس‘ میں نظر آئیں گے جسے روہت شیٹھی ڈائریکٹ کررہے ہیں اور اس میں سدھارتھ ملہوترا اور شلپا شیٹھی بھی شامل ہیں۔