علی ظفر کا ٹی ٹونٹی ورلڈکپ کے لئے اپنے جوش و خروش کا اظہار

?️ 4 نومبر 2021

کراچی (سچ خبریں) عالمی شہرت یافتہ پاکستانی اداکار و گلوکار علی ظفر نے  ٹی 20 ورلڈ کپ 2021 کے لئے اپنے جوش و خروش کا اظہار کیا ہے ہے جس میں انہیں سیمی فائنل کے لیے کوالیفائی کرنے کے بعد ایونٹ میں سامنے آنے والی صورتحال نے 1992 کے ورلڈ کپ کی یاد دلا دی۔

علی ظفر نے مائیکرو بلاگنگ ویب سائٹ ٹوئٹر پر علی ظفر نے ٹی 20 ورلڈکپ کے لیے اپنے جوش و خروش کا اظہار کرتے ہوئے لکھا ہے کہ ’ ان کے علاوہ اور کون ہے جو پاکستان اور انگلینڈ کا فائنل ہوتے اور تاریخ کو اپنے آپ کو دہراتے ہوئے دیکھ رہاہے؟

یاد رہے کہ پانچواں ورلڈ کپ آسٹریلیا اور نیوزی لینڈ کی مشترکہ میزبانی میں 22فروری 1992 سے شروع ہوا اور 25مارچ 1992تک جاری رہاتھا۔میلبورن کرکٹ گراؤنڈ جو اپنی طویل باؤنڈری کی وجہ سے دنیائےکرکٹ میں شہرت رکھتا ہے۔

سابق کپتان اور موجودہ پاکستانی وزیراعظم عمران خان کی قیادت میں پاکستان نے انگلینڈ کو 22 رنز سے شکست دے کر کرکٹ کا عالمی چیمپئن بننے کا اعزاز حاصل کیا تھا۔واضح رہے کہ پاکستان کرکٹ ٹیم رواں ایونٹ میں سیمی فائنل میں کوالیفائی کرکے پانچویں مرتبہ ٹی20 ورلڈکپ کا سیمی فائنل کھیلنے والی پہلی ٹیم بن گئی ہے۔مینز ٹی ٹوئنٹی ورلڈکپ 2021 میں نمیبیا کو باآسانی 45 رنز سے ہرا کر قومی ٹیم نے سیمی فائنل کے لیے کوالیفائی کیا۔