شوٹنگ کے دوران یمنٰی زیدی کی سیڑھیوں سے گرنے کی ویڈیو وائرل

?️ 14 مئی 2024

کراچی: (سچ خبریں) اداکارہ یمنیٰ زیدی کی شوٹنگ کے دوران سیڑھیوں سے گرنے کی ویڈیو وائرل ہونے کے بعد مداح ان کی خیریت کے لیے دعائیں کرتے دکھائی دیے۔

اداکارہ نے حال ہی میں انسٹاگرام پر سیڑھیوں سے گرنے کی اپنی ویڈیو شیئر کی جو دیکھتے ہی دیکھتے وائرل ہوگئی اور اسے دیگر شوبز سوشل میڈیا پیجز کی جانب سے بھی شیئر کیا گیا۔

وائرل ہونے والی مختصر ویڈیو میں اداکارہ کو سیڑھیوں پر چلنے کے دوران سینڈل کے پھسلنے پر گرتے ہوئے دیکھا جا سکتا ہے۔

مختصر ویڈیو میں دیکھا جا سکتا ہے کہ اداکارہ نے بڑی ایڑی والے سینڈل پہن رکھے ہیں اور وہ سینڈلز کے پھسلنے سے وہ اپنا توازن برقرار نہیں رکھ پاتیں اور سیڑھیوں پر گر جاتی ہیں۔

اداکارہ کی ویڈیو وائرل ہونے کے بعد شوبز شخصیات اور مداحوں نے ان کی صحت یابی کے لیے دعائیں کیں اور امید کا اظہار کیا کہ انہیں زیادہ چوٹیں نہیں لگی ہوں گی۔

بعد ازاں یمنیٰ زیدی نے اپنی انسٹاگرام اسٹوری میں واضح کیا کہ انہیں سیڑھیوں سے گرنے کے دوران زیادہ چوٹیں نہیں لگیں۔

اداکارہ نے اسٹوری میں لکھا کہ صدقہ دینے کی وجہ سے وہ زیادہ چوٹیں لگنے سے بچ گئیں اور انہیں صرف معمولی خراشیں آئی تھیں اور انہوں نے گرنے کے کچھ دیر بعد ہی منظر کی دوبارہ شوٹنگ مکمل کروائی۔

یمنیٰ زیدی کی جانب سے سیڑھیوں سے گرنے اور خود کو زیادہ چوٹیں نہ لگنے کی وضاحت دیے جانے کے بعد ان کے مداحوں نے اطمینان کا اظہار کرتے ہوئے اداکارہ کے لیے نیک خواہشات کا اظہار کیا۔

یمنیٰ زیدی نے ویڈیو کو شیئر کرتے ہوئے بتایا کہ سیڑھیوں سے گرنے کی ویڈیو ان کی حال ہی میں ریلیز ہونے والے میگا کاسٹ ڈرامے جنٹلمین کی شوٹنگ کی ہے۔

جنٹلمین کو حال ہی میں گرین انٹرٹینمنٹ پر نشر کیا جانے لگا ہے، ڈرامے میں اداکارہ کے علاوہ ہمایوں سعید، عدنان صدیقی اور احمد علی بٹ سمیت دوسرے بڑے اداکار شامل ہیں۔