انسان اپنی ہمت و توانائی سے پہچانا جاتا ہے: حرا مانی

?️ 13 جون 2021

کراچی (سچ خبریں)پاکستان شوبز انڈسٹری کی معروف اداکارہ حرا مانی نے انسان کی پہچان کے بارے میں اہم بیان دیتے ہوئے کہا ہے کہ کچھ  بولنے سے پہلے انسان اپنی ہمت و توانائی سے پہچانا جاتا ہے۔کسی انسان کی ہمت اور توانائی اس کے بولنے سے پہلے اس کا تعارف کروا دیتے ہیں۔

تفصیلات کے مطابق اداکارہ حرا مانی نے فوٹو اور ویڈیو شیئرنگ ایپ انسٹا گرام پر اپنی نئی خوبصورت تصویر شیئر کی ہے جس میں وہ کافی پُراعتماد نظر آرہی ہیں۔حرا مانی نے اپنی پوسٹ کے کیپشن میں لکھا کہ ’آپ کی ہمت و توانائی آپ کے کچھ بولنے سے پہلے ہی آپ کا تعارف کروا دیتا ہے۔انہوں نے مزید لکھا کہ ’ہاں! میں توانائیوں پر یقین رکھتی ہوں۔

اداکارہ حرا مانی کی اس پوسٹ کو چند ہی لمحوں میں 18 ہزار سے زائد لوگ لائیک کرچکے ہیں اور ان کے مداحوں کی جانب سے محبت بھرے تبصروں کاسلسلہ بھی شروع ہوگیا ہے۔واضح رہے کہ چلبلی، نٹ کھٹ اور ہر دلعزیز اداکارہ حرا مانی سوشل میڈیا پر اپنی پوسٹس اور کیپشنز سے متعلق خوب جانی جاتی ہیں، اُن کی پوسٹ سے زیادہ دلچسپ اُن کے کیپشنز ہوتے ہیں جن سے اُن کے مداح خوب محظوظ ہوتے ہیں۔

واضح رہے کہ پاکستان کی معروف اداکارہ حرا مانی کراچی میں لاک ڈاؤن سے متاثر افراد کی مدد کرنے کے باعث خاصی مقبول ہیں۔حرا نے لاک ڈاؤن میں گزرنے والے روز و شب کے حوالے سے بات کرتے ہوئے کہا تھا کہ ’اس سے پہلے کی جو زندگی تھی وہ بہت ٹی وی، فلمی اور ڈرامائی دنیا تھی۔’لاک ڈاؤن میں مجھے اپنے بچوں کے لیے ٹائم مل گیا ہے۔ کس طرح صبح ہوتی ہے کب شام ہوتی ہے پتا ہی نہیں چلتا ہے۔