گیس اور بجلی کی قیمتیں غریب کے لیے کم اور امیر کے لیے زیادہ ہوں گی، وزیر مملکت

🗓️

لاہور: (سچ خبریں) وزیر مملکت برائے پیٹرولیم مصدق ملک نے کہا ہے کہ حکومت نے فیصلہ کیا ہے کہ گیس اور بجلی کی قیمتیں غریب کے لیے کم اور امیر کے لیے زیادہ ہوں گی۔

لاہور پریس کلب میں پریس کانفرنس کے دوران وزیر مملکت مصدق ملک نے عمران خان پر تنقید کرتے ہوئے کہا کہ یہ دو مختلف ملک ہیں، ایک وہ ملک ہے جہاں سابق وزیراعظم عمران خان لوگوں کو کہتا ہے کہ اپنے بچے جیلوں میں جھونک دو، میں جیل بھرو تحریک چلانے لگا ہوں اس لیے تم اپنے بچے اور بچیوں کو کہو کہ وہ جاکر خود کو جیلوں میں بند کردیں۔

انہوں نے کہا کہ اس کے برعکس ایک اور پاکستان یہ ہے کہ جس میں عمران خان کہتا ہے کہ لوگوں باہر نکلو، میرے گھر کے باہر جمع ہو جاؤ کہیں مجھے جیل میں نہ ڈال دیں۔

مصدق ملک نے کہا کہ ایک وہ پاکستان ہے جہاں رات کی تاریکی میں جان بوجھ کر باپ کے سامنے بیٹی کو ہتھکڑی لگائی جائے اور ایک وہ پاکستان ہے جہاں کہا جارہا ہے کہ خان صاحب، کوئی بات نہیں آپ آج نہیں آسکے تو کل آجائیں، عدالت کھلی ہے کسی وقت بھی آجائیں لیکن عمران خان جو کہ دوسری دنیا کے آدمی ہیں انہوں نے کہہ دیا کہ 9 بجے میں تو کیا میرا وکیل بھی نہیں آئے گا۔

وزیر مملکت نے کہا کہ ایک طرف لوگ اپنے بچے نہیں پال سکتے مگر دوسری طرف اربوں روپے کی گاڑیاں آرہی ہیں جن کے نام تک نہیں پتا اور احتجاج اس بات پر کیا جارہا ہے کہ ہمارے امپورٹڈ چاکلیٹس پر ٹیکس لگائیں گے اور ہمارے کتوں اور بلیوں کے لیے آنے والی خوراک پر ٹیکس نافذ کریں گے۔

مصدق ملک نے کہا کہ ’ہاں ٹیکس لگائیں گے، ان تمام آسائشوں پر ٹیکس لگائیں گے کیونکہ یہاں پر دو ملک بنائے جا چکے ہیں جن کا ختم کرنا ضروری ہے۔

انہوں نے کہا کہ ایک امیر کا ملک ایک غریب کا ملک، ایک طاقتور کا ملک اور ایک کمزور کا ملک آج ہم نے دونوں ممالک کو علیحدہ کردیا ہے اور حکومت نے غریب آدمی کے ساتھ کھڑا ہونے کا فیصلہ کیا ہے امیر اور طاقتور کے ساتھ نہیں۔

وزیر مملکت نے کہا کہ آج کے بعد غریب آدمی کے لیے گیس کی قیمت علیحدہ ہوگی اور امیر آدمی کی علیحدہ ہوگی، غریب آدمی دو یونٹ گیس استعمال کرے تو کم قیمت دینی ہوگی اور اگر ڈیفنس، کلفٹن، گلبرگ، ایف 6 جیسے علاقوں میں رہنے والے جب دو یونٹ استعمال کریں گے تو گیس کی قیمت زیادہ ہوگی اور انہیں دینی پڑے گی۔

انہوں نے کہا کہ پاکستان کے 60 فیصد لوگوں کے بل گھٹا دیے گئے ہیں یا وہی رہیں گے، جب 10 یونٹ بجلی امیر استعمال کرے گا تو دوگنے پیسے دے گا لیکن وہی 10 یونٹ اگر غریب استعمال کرے گا تو آدھے سے کم پیسے دے گا۔

وزیر مملکت نے کہا کہ آج ہم نے چائے کے اسٹال چلانے والے کا پاکستان علیحدہ کردیا ہے اور سیٹھ اور فیکٹری چلانے والے کا الگ کردیا ہے، اگر ٹی اسٹال والا گیس استعمال کرے گا تو صرف 8 سو روپے دے گا جبکہ سیٹھ یا فیکٹری مالک 2 ہزار روپے دے گا۔

انہوں نے کہا کہ اس ملک کا مسئلہ یہ ہے کہ کوئی ایک ہزار لوگ اس ملک پر قابض ہیں اور ایسا لگتا ہے کہ یہ ملک صرف انہی کے لیے بنایا گیا ہے، یہ 22 کروڑ عوام کا ملک نہیں بلکہ 4 یا 6 سرمایہ کاروں کا ملک ہے۔

وزیر مملکت نے کہا کہ ہم آئی ایم ایف سے ایک ارب ڈالر لینے کے لیے بے حال ہوتے جا رہے ہیں لیکن اس غریب ملک میں لوگ ایک ارب ڈالر کی گاڑیاں لیتے ہیں جن کا آپ نام بھی نہیں لے سکتے۔

وزیر مملکت برائے پیٹرولیم مصدق ملک نے کہا ہے کہ ملک اس وقت ڈیفالٹ میں نہیں ہے کیونکہ بیرونی ادائگیاں ہو رہی ہیں۔

وزیر مملکت مصدق ملک نے کہا کہ خواجہ آصف میرے لیڈر ہیں ان کی بات کی نفی نہیں کر سکتا لیکن پاکستان اس وقت ڈیفالٹ میں نہیں ہے کیونکہ ڈیفالٹ اس وقت ہوتی ہے جب ملک اپنی ادائگیاں کرنے سے قاصر ہو اور عالمی برادری کو کہہ دے کہ ہم اپنا قرضہ ادا نہیں کر سکتے۔

وزیر مملکت مصدق ملک نے کہا کہ خواجہ آصف شاید ایل سیز کے کھلنے میں پیش آنے والی تنگی سے متعلق بات کر رہے تھے اور اس حد تک ان کی بات ٹھیک ہے کہ ایل سیز کھلنے میں مشکلات کا سامنا ہے مگر ملک اس وقت ڈیفالٹ میں نہیں ہے۔

واضح رہے کہ گزشتہ روز وزیر دفاع خواجہ آصف نے کہا تھا کہ پاکستان پہلے ہی دیوالیہ ہو چکا ہے جس کے ذمہ دار اسٹیبلشمینٹ، بیوروکریسی اور سیاستدان ہیں۔

سیالکوٹ میں ایک نجی کالج میں منعقد تقریب سے خطاب کرتے ہوئے وزیر دفاع خواجہ آصف نے کہا تھا کہ آپ نے سنا ہوگا کہ ملک دیوالیہ اور بینکرپٹ ہونے جا رہا ہے تو وہ پہلے ہی ہو چکا ہے اور ہم دیوالیہ ملک میں رہ رہے ہیں۔

وزیر دفاع نے کہا تھا کہ ایک مستحکم ملک بننے کے لیے اپنے پاؤں پر کھڑا ہونا ضروری ہے، ہمارے مسائل کا حل ملک کے اندر ہے اور آئی ایم ایف کے پاس پاکستان کے مسائل کا حل نہیں ہے۔

مشہور خبریں۔

صہیونی فوج کا فلسطینی قیدی رہنما کو قتل کرنے کا منصوبہ

🗓️ 28 اکتوبر 2024سچ خبریں:صہیونی فوجیوں نے فتح تحریک کے قید رہنما مروان البرغوثی کو

حماس نے فٹ بال کھلاڑی کے شہادت طلبانہ آپریشن کا خیر مقدم کیا 

🗓️ 30 دسمبر 2023سچ خبریں:فلسطین کی اسلامی مزاحمتی تحریک نے مقبوضہ بیت المقدس کے جنوب

پیٹرولیم مصنوعات کی قیمتوں میں 5 روپے فی لیٹر تک کمی کا امکان ہے 

🗓️ 31 اگست 2021اسلام آباد(سچ خبریں) حکومت کی جانب سے آئل اینڈ گیس ریگولیٹری اتھارٹی

پیپلز پارٹی کا میئر کراچی کے انتخاب کیلئے نمبرز پورے ہونے کا دعویٰ

🗓️ 13 مئی 2023کراچی 🙁سچ خبریں) کراچی میں حالیہ بلدیاتی انتخابات کے نتائج سامنے آنے

قیام امن کیلئے جنوبی وزیرستان میں دفعہ 144 لگا دی گئی

🗓️ 7 مارچ 2021جنوبی وزیرستان (سچ خبریں) صوبہ خیبرپختونخواہ کے ضلع جنوبی وزیرستان میں امن

دادو، بھان سید آباد کو سیلاب سے بچانے کیلئے حکام کی سر توڑ کوششیں جاری

🗓️ 13 ستمبر 2022 دادو: (سچ خبریں) سیلاب کے سبب سندھ کے کئی علاقے تاحال

یمن کے مختلف علاقوں پر سعودی عرب کے وحشیانہ حملے

🗓️ 18 نومبر 2021سچ خبریں: سعودی اتحاد نے یمن کے صوبوں صنعا، ذمار، صعدہ اور

عصر حجر سے صیہونیوں کیوں خوفزدہ ہوتے ہیں؟

🗓️ 17 اگست 2023سچ خبریں:جولائی 2006 سے جولائی 2023 تک خطے میں طاقت کے توازن

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے