کورونا پوری دنیا میں مہنگائی کا سبب بنا ہے: حماد اظہر

?️ 2 اکتوبر 2021

اسلام آباد (سچ خبریں) وزیرتوانائی حماد اظہر کا کہنا ہے کہ ساری دنیا میں کورونا کی بندشیں مہنگائی کا سبب بن گئی ہیں، کورونا کی بندشوں کے باعث امریکامیں مہنگائی کی شرح 30سال ، یورپ میں 13سال کی بلندترین سطح پرہے۔دنیا کے اکثر ممالک کے مقابلے میں پاکستان میں مہنگائی کی سطح کم ہے۔

تفصیلات کے مطابق وزیرتوانائی حماد اظہر نے سماجی رابطے کی ویب سائٹ ٹوئٹر پر اپنے پیغام میں کہا کہ ساری دنیا میں کورونا کی بندشیں مہنگائی کا سبب بن گئی ہیں، امریکامیں مہنگائی کی شرح 30سال ، یورپ میں 13سال کی بلندترین سطح پرہے جبکہ پاکستان میں بننے والی موٹرویز اور سڑکیں 2013 کے داموں سے بھی سستی ہیں۔

گذشتہ روز وفاقی وزیر توانائی حماد اظہر نے کاپیٹرولیم مصنوعات کی قیمتوں میں اضافے کی طرف اشارہ کرتے ہوئے  کہناتھا کہ پیٹرولیم مصنوعات کی قیمتوں میں اضافہ ایک مشکل فیصلہ ہے، پاکستان میں عالمی منڈی کے مقابلے میں قیمتیں کم بڑھائی گئیں۔

حماد اظہر کا کہنا تھا کہ عالمی منڈی میں بڑھتی قیمتوں کے باعث پیٹرولیم قیمتیں بڑھائیں، عالمی منڈی میں پیٹرولیم مصنوعات کی قیمتوں میں زیادہ اضافہ ہوا۔انہوں نے مزید کہا تھا کہ حکومت پیٹرولیم مصنوعات پر ٹیکس کی شرح بتدریج کم کر رہی ہے، آج بھی اکثر ممالک کے مقابلے میں پاکستان میں تیل کی قیمتیں کم ہیں۔