پی ٹی آئی ٹارگٹ نہیں، ٹارگٹ وہ لوگ ہیں جنہوں نے قانون توڑا ہے۔ طلال چوہدری

?️ 25 اگست 2025

اسلام آباد (سچ خبریں) وزیر مملکت داخلہ طلال چوہدری نے کہا ہے کہ پاکستان تحریک انصاف (پی ٹی آئی) ٹارگٹ نہیں، ٹارگٹ وہ لوگ ہیں جنہوں نے قانون توڑا ہے۔

انہوں نے کہا کہ پی ٹی آئی کو بھی کہا ہے کہ ان لوگوں سے لاتعلقی کریں جنہوں نے قانون توڑا ہے۔ طلال چوہدری کا کہنا تھا کہ پولیس نے شواہد اکٹھے کر کے گرفتاریاں کی ہیں، علیمہ خان کا بیٹا حسان نیازی کے ساتھ موجود تھا۔

انہوں نے کہا کہ اسپیکر قومی اسمبلی کہہ چکے کہ گرینڈ ڈائیلاگ قومی اسمبلی اور سینیٹ میں موجود ہے، اسپیکر قومی اسمبلی یہ بھی کہہ چکے کہ بات چیت کے لیے ان کا آفس بھی کھلا ہے۔

ان کا کہنا تھا کہ گرینڈ ڈائیلاگ اگر پی ٹی آئی کرنا چاہتی ہے تو اسپیکر کی آفر قبول کرے، ضمنی الیکشن میں جو بھی عوام کا فیصلہ ہو گا ہم قبول کریں گے۔