?️
اسلام آباد: (سچ خبریں) پاکستان نے امریکا پر زور دیا ہے کہ وہ ’تنقیدی‘ قراردادوں کو اپنانے کے بجائے دوطرفہ تعلقات کو مضبوط بنانے اور پاکستان میں جاری جمہوری اصلاحات کی حمایت پر توجہ دے۔
ڈان اخبار کی رپورٹ کے مطابق اس بات کا انکشاف سینیٹر عرفان الحق صدیقی کی زیرصدارت سینیٹ کی قائمہ کمیٹی برائے امور خارجہ کے اجلاس میں کیا گیا۔
سینیٹ کی قائمہ کمیٹی برائے خارجہ امور کے اجلاس میں وزارت خارجہ کے حکام امریکی ایوان نمائندگان کی قرارداد 901 پر وزارت خارجہ کے ردعمل کا حوالہ دے رہے تھے، جس میں پاکستان پر زور دیا گیا تھا کہ وہ جمہوری اداروں اور انسانی حقوق کی پاسداری کرے۔
جون 2024 میں منظور ہونے والی امریکی قرارداد کو وزارت خارجہ کی جانب سے پاکستان کی ’سیاسی حرکیات‘ کو نہ سمجھنے پر تنقید کا نشانہ بنایا گیا تھا۔
حکام نے کہا کہ واشنگٹن میں پاکستانی سفارت خانے نے پاکستان کی قومی اسمبلی کی جانب سے منظور کردہ جوابی قرارداد امریکی حکام کو پیش کی، جس میں بے بنیاد الزامات پر مبنی امریکی موقف کو مسترد کیا گیا تھا۔
سینیٹ کمیٹی کے اجلاس میں حکام نے پاکستان کی جمہوری ترقی اور انسانی حقوق کی پیش رفت پر امریکی کانگریس کو زیادہ متوازن اور باخبر بحث میں شامل کرنے کے لیے وزارت خارجہ کی کوششوں پر بھی روشنی ڈالی۔
اجلاس میں شریک سینیٹرز نے اسرائیل کی جانب سے اقوام متحدہ کی ریلیف اینڈ ورکس ایجنسی (یو این آر ڈبلیو اے) کو نشانہ بنانے کی حالیہ قانون سازی کی مذمت بھی کی۔
وزارت خارجہ کے حکام نے قائمہ کمیٹی کو بتایا کہ شام میں پھنسے پاکستانیوں کے بحفاظت انخلا کے لیے اقدامات کیے جارہے ہیں، 180 زائرین کو نکالا جاچکا ہے، جب کہ 170 کو شام سے لبنان جانے کی اجازت دے دی گئی ہے۔
حکام نے بتایا کہ وزیراعظم شہباز شریف کی جانب سے لبنان کے ہم منصب سے رابطے کے بعد لبنان کی حکومت نے پاکستانیوں کو اپنی سرحد پر ہی ویزے جاری کرنا شروع کر دیے، پاکستانیوں کو بسوں کے ذریعے بیروت لے جایا گیا ہے۔


مشہور خبریں۔
کملا ہیرس نے نیشنل گارڈ کی تعیناتی کو لاس اینجلس کے احتجاج کو "وحشی” قرار دیا
?️ 9 جون 2025سچ خبریں: سابق امریکی نائب صدر کمالہ ہیرس نے لاس اینجلس میں
جون
20 سالہ فلسطینی قیدی صہیونی جیل میں شہید
?️ 17 اپریل 2025 سچ خبریں: 20 سالہ نابلس کا فلسطینی نوجوان مصعب عدیلی، صیہونی
اپریل
صیہونی وزیر اعظم کے ذریعہ امریکی صدر کو پیش کیے جانے والے ایران مخالف منصوبے کی تفصیلات
?️ 24 اگست 2021سچ خبریں:کہا جاتا ہے کہ صہیونی حکومت کے وزیر اعظم کی پیش
اگست
اتحادی حکومت کی جانب سے آئین کی خلاف ورزی کی مذمت کرتا ہوں
?️ 17 اپریل 2023اسلام آباد: (سچ خبریں) سابق چئیرمین سینیٹ رضا ربانی کا کہنا ہے
اپریل
بریکس کی اقتصادی بالادستی کا آغاز
?️ 23 اکتوبر 2024سچ خبریں:فرانس کی دائیں بازو کی انتہا پسند جماعت قومی محاذ کے
اکتوبر
یمن کے خلاف جنگ اور محاصرہ واشنگٹن کی حمایت کے بغیر ممکن نہیں: امریکی تھینک ٹینک
?️ 17 نومبر 2021سچ خبریں:ایک امریکی تھنک ٹینک نے یمن کی جنگ اور محاصرے کو
نومبر
مقبوضہ فلسطین میں متحدہ عرب امارات کے سفارتخانہ کا باقاعدہ افتتاح
?️ 12 جولائی 2021سچ خبریں:متحدہ عرب امارات اسرائیلی صدر کی موجودگی میں بدھ کے روز
جولائی
انسداد دہشت گردی کے حوالے سے چین کے ساتھ مشترکہ فوجی مشقیں ختم ہو گئیں
?️ 5 اکتوبر 2021اسلام آباد(سچ خبریں) شنگھائی تعاون تنظیم کے پلیٹ فارم تلے انسداد دہشت
اکتوبر