کراچی: (سچ خبریں) پاکستان اسٹاک ایکسچینج میں کاروباری ہفتے کے ابتدائی روز منفی رجحان کے بعد آج تیزی دیکھی جا رہی ہے، بینچ مارک کے ایس ای-100 انڈیکس میں 486.81 پوائنٹس اضافہ ہوا۔
پی ایس ایکس ویب سائٹ کے مطابق صبح تقریباً 11 بج کر 15 منٹ پر کے ایس ای-100 انڈیکس 486.81 پوائنٹس یا 0.74 فیصد اضافے کے بعد 66 ہزار 499 پوائنٹس پر پہنچ گیا، جو گزشتہ روز 211.3 پوائنٹس کمی کے بعد 66 ہزار 12 پوائنٹس پر بند ہوا تھا۔
میٹس گلوبل نے گزشتہ روز سماجی رابطے کی ویب سائٹ ایکس پر بتایا تھا کہ مارکیٹ کی کوئی سمت نظر نہیں آرہی کیونکہ آج اسٹیٹ بینک کے زری پالیسی اجلاس میں شرح سود کے فیصلے کے بعد مارکیٹ کی نئی سمت کا تعین ہوگا۔
خیال رہے کہ گزشتہ چند ماہ سے پاکستان اسٹاک ایکسچینج میں ریکارڈ تیزی کا سلسلہ جاری ہے، 3 نومبر کو ساڑھے 6 سال بعد انڈیکس 53 ہزار پوائنٹس کی حد عبور کر گیا تھا، جبکہ 10 دسمبر کو کے ایس ای-100 انڈیکس پہلے 65 ہزار اور بعد ازاں تاریخ میں پہلی بار 66 ہزار کی نئی بُلند ترین سطح پر پہنچ گیا تھا۔
7 دسمبر کو پی ایس ایکس بینچ مارک کے ایس ای-100 انڈیکس 800 پوائنٹس اضافے کے بعد تاریخ میں پہلی بار 64 ہزار کی نئی بُلند ترین سطح پر پہنچ گیا تھا۔
6 دسمبر کو بھی پی ایس ایکس میں تاریخی سنگ میل عبور کرنے کا سلسلہ جاری رہا، اور بینچ مارک کے ایس ای-100 انڈیکس تاریخ میں پہلی بار 63 ہزار کی نئی بُلند ترین سطح پر پہنچ گیا تھا۔
اس سے قبل 4 دسمبر کو 100 انڈیکس 802 پوائنٹس یا 1.3 فیصد اضافے کے بعد 62 ہزار 493 پوائنٹس پر پہنچ گیا تھا۔
مشہور خبریں۔
غزہ کی پٹی میں صہیونی آبادکاری کا صیہونی منصوبہ
دسمبر
بھارتی اداکارنے اپنے مداح کی پریشانی دور کردی
فروری
اسد عمر کا لیگی رہنما کے بیان پر ردعمل
اپریل
واٹس ایپ، سوشل میڈیا پر جعلی لنکس بھیجے جانے کا انکشاف، پی ٹی اے نے خبردار کردیا
دسمبر
ٹیکسٹائل، زراعت پر ٹیکس چھوٹ کو ختم کیا جائے، آئی ایم ایف کا مطالبہ
اکتوبر
ٹرمپ پر پھر تیسرے ممکنہ قاتلانہ حملے کی نئی تفصیلات
اکتوبر
کبھی کبھی لگتا ہے کہ شادی ساس کیساتھ ہوئی: کاجول
فروری
برطانوی اخبار کے خلاف ہتک عزت کا مقدمہ شہباز شریف کی حکم امتناع کی درخواست مسترد
نومبر