پاور پلانٹس کو مقامی کوئلے پر منتقل کرنے میں پہلی بڑی رکاوٹ سامنے آگئی

?️

کراچی: (سچ خبریں) حکومت کے کوئلے سے چلنے والے پاور پلانٹس کو 100 فیصد تھر کے مقامی کوئلے پر منتقل کرنے میں پہلی بڑی رکاوٹ سامنے آگئی، ایشیائی ترقیاتی بینک نے جامشورو پاور پلانٹ یونٹ ون پر ایسی منتقلی کو سپورٹ کرنے سے انکار کر دیا ہے۔

میڈیا رپورٹس کے مطابق ایشیائی ترقیاتی بینک نے اس منصوبے کے لیے سب سے زیادہ قرض دے رکھا ہے، لہٰذا پلانٹ میں کسی بھی قسم کی اہم اسٹرکچرل تبدیلی کے لیے اس کی رضامندی لازم ہے۔

منصوبے سے منسلک ایشیائی ترقیاتی بینک کے عہدیدار نے ڈان کو تحریری مؤقف میں بتایا کہ ہم جامشورو پاور پلانٹ کو 100 فیصد مقامی کوئلے پر منتقل کرنے کو سپورٹ نہیں کرتے۔

ان کا کہنا تھا کہ اے ڈی بی کا قرض اور منصوبے کے پاکستانی حکومت کے ساتھ معاہدے کے تحت پلانٹ کو 80 فیصد درآمدی اور 20 فیصد مقامی کوئلے پر چلانا شامل ہے۔

وزارت توانائی کے عہدیدار نے نام نہ ظاہر کرنے کی شرط پر ایشیائی ترقیاتی بینک کی جانب سے منصوبے کو تھر کوئلے پر منتقل کرنے کی مخالفت کرنے کی تصدیق کی، انہوں نے بتایا کہ بینک نے باضابطہ طور پر کچھ عرصہ قبل خط کے ذریعے اس منصوبے کی مخالفت کا بتا دیا ہے، تاہم انہوں نے خط کا متن شیئر کرنے سے انکار کر دیا۔

1320 میگاواٹ کا جامشورو کول پاور پلانٹ 660 میگاواٹ کے 2 یونٹس پر مشتمل ہے، یونٹ ون کی کل لاگت ایک ارب 50 کروڑ ڈالر ہے، ایشیائی ترقیاتی بینک اور اسلامک ڈیولپمنٹ بینک نے بالترتیب 90 کروڑ ڈالر اور 22 کروڑ ڈالر فراہم کیے ہیں، حکومت نے منصوبے میں 38 کروڑ ڈالر کی سرمایہ کاری کی ہے۔

اس منصوبے کا پہلا یونٹ تقریباً مکمل ہے تاہم اب تک اسے چلایا نہیں جا رہا، اس کی کمرشل آپریشن کی تاریخ پر متعدد بار نظر ثانی کی گئی ہے جس کی بنیادی وجہ زر مبادلہ کی قلت ہے، جو کوئلے کو درآمد کرنے کے لیے درکار ہے۔

اس کی دوسری وجہ تھرکول فیلڈ سے عمر کورٹ میں چھوڑ تک 105 کلومیٹر طویل ریلوے ٹریک کی تعمیر میں تاخیر ہے، جہاں یہ لائن ملکی ریلوے لائن سے منسلک ہو جائے گی تاکہ کوئلے کو تھر سے لایا جاسکے، جو پروجیکٹ سائٹ سے تقریباً 270 کلومیٹر دور ہے، اس ریلوے لائن کی تعمیر جامشور پاور پلانٹ اور دیگر حصوں میں کوئلے کی ترسیل کے لیے بنیادی شرط ہے۔

مشہور خبریں۔

دہشت گردی کے خلاف امریکی جنگ کا الٹا اثر ہوا: وزیر اعظم

?️ 14 فروری 2022اسلام آباد(سچ خبریں) افغانستان میں واشنگٹن کی کارروائیوں اور بیرون ملک اس

سینیٹ میں یوسف رضا گیلانی کی غیر حاضری پر وزیرخارجہ نے شکریہ ادا کیا

?️ 29 جنوری 2022اسلام آباد (سچ خبریں)  وزیر خارجہ شاہ محمود قریشی کا کہنا ہے

ہندوستان میں آنے والے سیلاب سے نقصانات

?️ 6 اکتوبر 2023سچ خبریں:ہندوستان کی ریاست سکم میں سیلاب کے نتیجے میں کم از

روس میں کوئی بھی جوہری ہتھیار استعمال کرنے کے بارے میں نہیں سوچتا: پیسکوف

?️ 30 مارچ 2022سچ خبریں:کریملن کے ترجمان نے ایک انٹرویو میں کہا کہ روس میں

افغانستان پر توجہ نہ دی تو انسانی المیہ جنم لے گا:وزیر خارجہ

?️ 14 دسمبر 2021اسلام آباد(سچ خبریں)وزیر خارجہ شاہ محمود قریشی کا کہنا ہے کہ افغانستان

ترسیلات زر، محصولات میں اضافہ، کرنٹ اکاؤنٹ سرپلس رہا، معاشی آؤٹ لک رپورٹ جاری

?️ 27 فروری 2025اسلام آباد: (سچ خبریں) وزارت خزانہ نے ماہانہ معاشی آؤٹ لک رپورٹ

کرپشن کے مقدمے میں پرویز الہٰی کی 27 اپریل تک عبوری ضمانت منظور

?️ 14 اپریل 2023اسلام آباد:(سچ خبریں) انسداد بدعنوانی عدالت نے کرپشن کے مقدمے میں سابق

مراکش ورلڈ کپ میں سیاسی مقاصد کی تلاش میں:رائے الیوم

?️ 17 دسمبر 2022سچ خبریں:مراکش ورلڈ کپ میں اپنی شاندار کامیابی کو مغربی صحراؤں کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے